Quloqlaringizga ishonmang!
Olimlarning ta’kidlashicha, inson miyasi quloq orqali sekundiga 16 gersdan tortib 20 000 gersgacha bo‘lgan chastotali tarang-siqiq to‘lqinlarni qabul qiladi. 16 gersdan past bo‘lgan tovushlarni infratovushlar deyilib, tabiiy holda odamlar bu tovushlarni eshitish imkoniyatiga ega emas. Agar inson shu to‘lqinlarni eshita olganida, o‘z yuragi orqali o‘tayotgan qon hamda tana muskullarining ovozini eshitar edi. Bu esa insoniyatni uzluksiz azobda yashashiga sabab bo‘lardi. Tadqiqotlar natijasiga ko‘ra, agar inson 7 gers chastotali to‘lqinlarni eshitsa, darhol vafot etar ekan.
Shuningdek, inson 20 000 gersdan ortiq chastotali to‘lqinlar, ya’ni ultratovushlarni ham eshita olmaydi. Bordiyu mazkur tovushlarni eshita olganida, sayyoramizning Quyosh atrofida aylanishida sodir bo‘ladigan tovushlarni, fazodagi turli portlashlarni hamda qabrlarda azoblanayotgan mayyitlarning ovozlarini ham eshitish imkoniyati paydo bo‘lardi.
Ha, azizlar! Alloh taolo biz bandalari uchun ona zaminimiz bo‘lgan Yerda barcha qulayliklarni, hatto miyamiz qabul qiladigan tovushlarni ham me’yorlashtirib qo‘ygan. Bu Uning bizga ato etgan ulkan rahmatidir!
Alloh taolo Qur’oni Karimda shunday marhamat qilgan:
قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ
“Sen: “Allohning fazli ila va Uning rahmati ila. Bas, ana shu bilan xursand bo‘lsinlar. U ular jamlaydigan narsalardan yaxshidir”, deb ayt”. (Bir ummatga ikki dunyo baxtiga erishtiruvchi ilohiy kitob berilishi o‘sha millatga Allohning fazli va marhamatidir. Bu millat ushbu oyatga amal qilib, qancha xursand bo‘lsa, arziydi. Alloh taoloning fazli va marhamati bo‘lmish Qur’oni Karimga iymon keltirib, uni o‘ziga dastur qilib olgan zotlar o‘sha eng ulug‘ fazl va rahmatga erishgan kishilar sifatida qanchalik xursand bo‘lsalar, shunchalik oz. Qur’onga erishish dunyodagi boshqa hamma narsalarni jamlab, o‘shalarga ega bo‘lishdan ko‘ra yaxshiroqdir.) (Yunus surasi, 58-oyat).
Alloh taolo barchamizga O‘zining Kalomi hamda biz uchun manfaatli bo‘lgan ovozlarni eshitishni nasib etsin!
Internet ma’lumotlari asosida
Nozimjon Iminjonov taryyorladi
Fidokorona xizmat e’tirofsiz qolmaydi
O‘zbekiston musulmonlari idorasi tasarrufidagi "Ko‘kaldosh" o‘rta maxsus islom ta’lim muassasasida ko‘p yillar halol va fidokorona mehnat qilgan xodimamiz Ahmadjonova Nilufar Habibullayevnaning 50 yoshlik yubileyi munosabati bilan ta’lim muassasasi hamda kasaba uyushmasi tomonidan tadbir o‘tkazildi.
Tadbirda ta’lim muassasasi mudiri M. Erkayev, o‘quv ishlari bo‘yicha mudir o‘rinbosari N. Djalolov va manaviy-ma’rifiy ishlar bo‘yicha mudir o‘rinbosari, ta’lim muassasasi kasaba uyushmasi raisi A.G‘aniyev ishtirok etishdi. Muassasa mudiri M. Erkayev muhtarama opamizni shaxsan o‘zi tabriknoma bilan taqdirladi. Esdalik sovg‘alari bilan ham mukofotlandi.
Nilufar opa har kuni tong sahardan ilm dargohiga kelib, uning ozoda, shinam va pokiza bo‘lishiga yillarida sabr, ixlos va sadoqat bilan o‘z hissasini qo‘shib kelmoqda. Bunday kamtarin, ammo qadri baland mehnat barchamiz uchun ibrat namunasidir.
Payg‘ambarimiz sollallohu alayhi vasallam: "Pokizalik iymondandir", deb marhamat qilganlar. Ilm va marifat maskanining ta’minlash — talabalar ustozlarning tinch, toza va barakali ilm olishiga munosib hissa qo‘shadigan ezgu ishdir. Ana beminnat xizmat har qanday e’tirof va ehtiromga loyiqdir.
Bilim yurtimiz o‘z yordamga g‘amxo‘rlik qilishni muhim burch deb biladi. Zero, ilm dargohiga qilingan har bir xizmat — Allohning roziligi yo‘lidagi savobli amaldir. Kim ilm ahliga va ilm maskaniga xizmat qilsa, o‘sha ilmdan taralayotgan ezgulikning ajridan bahramand bo‘lishi umid qilamiz.
Muhtarama opamizga mustahkam sog‘lik-salomatlik, uzoq umr, oila baxti va ishlarida baraka tilaymiz. Alloh taolo halol mehnatlarini ajru mukofotsiz qoldirmasin, qilgan ezgu ishlari va mehnatlarining rohatini ko‘rish uzoq yillar davomida nasib etsin!
"Ko‘kaldosh" o‘rta maxsurs islom ta’lim muassasasi
matbuot xizmati
