Mardlik – seni o‘ziga qalqon deb bilib ortingda turgan, senga sirlarini aytib, ishongan ayolni xo‘rlamasligingdir.

*****

Biror kishini aldagan bo‘lsang, uni ahmoq deb o‘ylama. U shunchaki senga ishongan edi.

*****

Kimgadir sening puling, obro‘ying, mansabing kerak. Kimgadir o‘zing keraksan.

*****

Muhabbatning rostligini ta’kidlovchi narsa – fe’llardir. Ammo (“sevaman, yaxshi ko‘raman” kabi) gaplarga kelsak, hamma ham gapira oladi.

*****

Do‘st og‘riqni bo‘lisholmaydi. Yaxshi ko‘rganing iztirobning yarmini ko‘tarolmaydi. Biror yaqining o‘rningga bedor bo‘lolmaydi. Shuning uchun o‘zingga ko‘proq e’tibor ber. Voqealarga hajmidan katta tus berma.

*****

Tanalar qarisa ham, vafo qarimaydi.

*****

Birorta insondan biror narsa kutma! Borligingni bayram, yutuq deb bilmagan kishi yo‘qligingni aza, motam deb bilmaydi.

*****

Ayollarning pastkashi – erining qalbiga uning oilasiga nisbatan yomon fikrlarni solganidir.

Erkaklarning pastkashi - ayolining shunday fikrlariga quloq solib, o‘z ota-onasi va aka-ukalariga nisbatan qo‘pol bo‘lib qolganidir.

*****

Agar sening oilang, chin do‘stlaring, dasturxoningda taoming va boshing tepasida shifting bo‘lsa (ya’ni yashaydigan uying bo‘lsa), sen tasavvur qilganingdan-da boyroq ekansan. Alhamdulillah degin!

*****

Opa – uyning ziynati, oilaning ulfati va atiri, onaning bir bo‘lagi, Alloh taoloning hadyasidir. Ey Robbim! Bizni ulardan mahrum qilma!

Feysbukdagi “Habibam jurnali” nomli sahifadan

Nozimjon Iminjonov tarjimasi