Poytaxt otinoyilari uchun o'quv-seminar o'tkazildi
Bugungi shiddatli davrda barcha, ayniqsa, diniy soha xodimlari, otinoyilar har qachongidan ham hushyor, ogoh bo'lishlari, shu bilan birga, xalq orasiga kirib borib, yoshlarni muqaddas dinimizga yot turli unsurlardan himoya qilishda jonbozlik ko'rsatishlari zarur.
Shu yil 25 iyul' kuni poytaxtimizdagi "Shayx Zayniddin" jome masjidi majlislar zalida Toshkent shahrida faoliyat yuritayotgan otinoyilar uchun o'quv seminar tashkil etildi.
Seminar uch qismdan iborat bo'ldi.
Dastlab poytaxtimizdagi "at-Termiziy" jome masjdi imom-xatibi Ishoqjon domla Begmatov tinglovchilarga "Islomda meros masalasi" va "Aqida masalalari: shirk tushunchasi, shirkning inson aqidasiga ta'siri" mavzusida ma'ruza qildi.
Darhaqiqat, bugungi kunda meros talashib, yuzko'rishmas bo'lib ketayotgan oilalar soni, afsuski, ko'payib boryapti. Bunday holatlarning oldini olish uchun diniy soha xodimlari, otinoyilar aholi o'rtasida tushuntirish ishlarini ko'proq olib borishlari kerak. Aqida masalasi, shirk va uning qabih oqibataridan odamlarni ogohlantirishlari zarur.
Shundan so'ng Toshkent shahar OITS markazi mas'ullari otinoyilarga bedavo darddan aholi, ayniqsa, yoshlarni ehtiyot qilish bo'yicha o'z ma'ruzalari bilan ishtirok etdi.
Seminarning so'nggi qismida esa O'zbekiton xalqaro islom akademiyasi katta o'qituvchisi A'zamxon domla Qambarov "Mahallalarda ayollar orasida radikallashuvning oldini olish va ularning ijtimoiy faolliklarini oshirish" mavzusida ma'ruza qilib berdi.
– Bugungi seminar har jihatdan foydali bo'ldi, – deydi Toshkent shahar bosh imom-xatibining xotin-qizlar masalalari bo'yicha yordamchisi Zulayho Soatova. – Otinoyilar bugun o'rgangan bilimlarini amaliyotda qo'llab, meros masalalari, shirk, aqida kabi mavzularda ayollarimizga tushunchalar berishadi. Hotin-qizlarning radikallashuvi oldini olishga o'zlarining hissalarini qo'shadi. Mahallarga kirib borib, oilalar bilan suhbatlar o'tkazadi. Tashkilotchilarga, mutasaddilarga tashakkur.
O'quv seminar so'ngida otinoyilarning savollariga mutaxassislar tomonidan javoblar qaytarildi. 
O'zbekiston musulmonlari idorasi
Toshkent shahar vakilligi
Matbuot xizmati
“Uthaym” gazetasi: Madaniy merosni asrash Yangi O‘zbekiston taraqqiyotining muhim yo‘nalishiga aylangan
Shri-Lankaning “Uthaym” nashrida O‘zbekistonning boy tarixiy-madaniy merosi, uni asrab-avaylash va kelajak avlodlarga bezavol yetkazish borasida amalga oshirilayotgan ishlarga bag‘ishlangan maqola e’lon qilindi, deb xabar bermoqda “Dunyo” AA.
Materialda Yangi O‘zbekistonda milliy qadriyatlarni tiklash, madaniy meros obyektlarini muhofaza qilish, ilm-fan va ma’rifatni rivojlantirishga qaratilgan islohotlar yuksak baholangan.
Ta’kidlanganidek, so‘nggi yillarda O‘zbekistonda ma’naviy-ma’rifiy sohani tubdan takomillashtirish, xalqning ko‘p asrlik boy ilmiy-madaniy merosini o‘rganish hamda uni jahon hamjamiyatiga keng targ‘ib etish davlat siyosatining ustuvor yo‘nalishlaridan biriga aylandi.
Mamlakatda tarixiy obidalarni restavratsiya qilish, muzeylar va arxivlar faoliyatini modernizatsiya qilish, qo‘lyozmalarni asrab-avaylash va raqamlashtirish, milliy madaniy merosni xalqaro miqyosda targ‘ib qilishga qaratilgan tizimli ishlar amalga oshirilayotgani qayd etilgan.
Maqolada Prezident Shavkat Mirziyoyev tashabbusi bilan ilgari surilgan Uchinchi Renessans g‘oyasi mamlakat taraqqiyotining muhim strategik yo‘nalishi sifatida alohida e’tirof etilgan. Muallif fikricha, mazkur g‘oya nafaqat tarixiy merosni asrab-avaylash, balki ilm-fan, ta’lim, madaniyat va innovatsiyalarni uyg‘un rivojlantirish orqali mamlakatning intellektual va ma’naviy salohiyatini yuksaltirishga xizmat qilmoqda.
Uchinchi Renessans konsepsiyasi O‘zbekistonning buyuk ilmiy an’analarini qayta tiklash, yosh avlodni bilimli va vatanparvar etib tarbiyalash hamda mamlakatning xalqaro nufuzini yanada mustahkamlashga qaratilgan umummilliy dastur sifatida baholanmoqda.
Gazetaning yozishicha, O‘zbekistonda kechayotgan o‘zgarishlar faqat madaniy sohadagi islohotlar bilan cheklanmaydi. Ular mamlakatning ilmiy, ma’naviy va intellektual taraqqiyotini ta’minlashga qaratilgan uzoq muddatli strategiyaning ajralmas qismi hisoblanadi. Ilmiy muassasalar faoliyatini qo‘llab-quvvatlash, tarixiy manbalarni tadqiq etish, madaniy merosni muhofaza qilish va zamonaviy ta’lim tizimini rivojlantirish kabi yo‘nalishlar yagona maqsad — Yangi O‘zbekistonning mustahkam ma’naviy poydevorini yaratishga xizmat qilayotgani alohida qayd etilgan.
Maqolada Toshkent shahrida barpo etilgan O‘zbekiston Islom sivilizatsiyasi markazi faoliyatiga keng o‘rin ajratilgan.
Prezident Shavkat Mirziyoyev tashabbusi va g‘oyasi asosida barpo etilgan mazkur betakror majmua O‘zbekistonning madaniy va ilmiy siyosatidagi eng muhim istiqbolli loyihalardan biri bo‘ldi. Markazda VII asrga oid noyob Usmon Mus'hafi saqlanayotgani uning tarixiy ahamiyatini yanada oshiradi.
Shu bilan birga, bu yerda qo‘lyozmalarni ilmiy o‘rganish, restavratsiya qilish, arxiv materiallarini tizimlashtirish va zamonaviy texnologiyalar asosida raqamlashtirish uchun barcha zarur sharoitlar yaratilgan.
Gazetada O‘zbekistonning YUNЕSKO va boshqa xalqaro tashkilotlar bilan madaniy merosni muhofaza qilish sohasidagi hamkorligi, tarixiy obidalarni asrab-avaylash, ularni xalqaro turizm va ilmiy tadqiqotlar bilan uyg‘un rivojlantirishga qaratilgan sa’y-harakatlari haqida so‘z yuritilgan.
O‘zbekiston musulmonlari idorasi Matbuot xizmati
- «
- »