Sayt test holatida ishlamoqda!
21 May, 2025   |   23 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:22
Quyosh
04:59
Peshin
12:25
Asr
17:28
Shom
19:44
Xufton
21:15
Bismillah
21 May, 2025, 23 Zulqa`da, 1446
Avvalgi sayt
#search
 YouTube

Muftiy Usmonxon Alimov Saudiya Arabistoni Haj ishlari vaziri o‘rinbosari bilan uchrashdi

22.01.2019   5342   1 min.
Muftiy Usmonxon Alimov Saudiya Arabistoni Haj ishlari vaziri o‘rinbosari bilan uchrashdi

Avvalroq, Saudiya Arabistoni Haj ishlari vaziri doktor Solih Bentin taklifiga asosan, «Haj–2019» mavsumining  tashkiliy ishlarini kelishib olish maqsadida “Haj” va “Umra” tadbirlarini tashkil etish va o‘tkazish masalalari bo‘yicha Jamoatchilik kengashi raisi Jasur Akramov va O‘zbekiston musulmonlari idorasi raisi, muftiy Usmonxon Alimov hazratlari boshchiligidagi delegatsiya Saudiya Arabistoniga jo‘nab ketgani haqida xabar bergan edik.

Kecha, 21 yanvar kuni, soat 11:00 da O‘zbekiston musulmonlari idorasi raisi, muftiy Usmonxon Alimov hazratlari  va delegatsiya a’zolari  Saudiya Arabistoni Haj ishlari vaziri o‘rinbosari bilan uchrashuv o‘tkazdilar.

Uchrashuvda Haj-2019 mavsumi yuzasidan imzolanishi lozim bo‘lgan shartnoma shartlari o‘zaro muhokama qilinib, ishchi guruhining yig‘ilishi ham o‘tkazildi. Ushbu uchrashuvda shartnomaning bandlari muhokama qilindi. Shuningdek, mazkur uchrashuvda tomonlar haj mavsumini namunali, tartibli va eng yuqori darajada o‘tkazish masalalarini kelishib olishdi.

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Maqolalar

Yashashdan muddao ne?

15.05.2025   5979   1 min.
Yashashdan muddao ne?

Vafot etganingizdan keyin nimalar bo‘lishini tasavvur qilasizmi? Bir necha soat o‘tib, siz uchun yig‘layotgan odamlarning yig‘isi to‘xtaydi. Yaqin qarindoshlaringiz ham hayot tashvishlariga ovunadi.


Ko‘p o‘tmay, rahbaringiz o‘rningizga boshqa xodim topadi. Yaqinlaringiz, farzandlaringiz ishga, tirikchilik tashvishiga tushib ketadi. 


Bir oy o‘tgandan so‘ng turmush o‘rtog‘ingiz ham sizni kamroq eslay boshlaydi. Ha, odam o‘zi o‘ylaganidan ko‘ra tezroq unutiladi. 


Modomiki, odamlar sizni shunchalar tez esdan chiqarar ekan, bu o‘lchovli umringizni kim yoki nima uchun sarflamoqdasiz? Bir umr “Odamlar nima derkin?” deb yashab o‘tmayapsizmi? Yashashdan maqsadingiz nima o‘zi?


Bir lahza tin olib, shular haqda o‘ylab ko‘ring. Bu olamga keltirilish sababingiz haqida mulohaza yuriting. Yaqinlaringizni hayotlik chog‘ida qadrlangki, vaqti yetganda qadr topasiz. Alloh taolo O‘zi rozi bo‘ladigan hammamizga mazmunli hayot, xayrli oqibat nasib etsin! 
 

Akbarshoh Rasulov

Ibratli hikoyalar
#logo