Tanlovda kimlar ishtirok etishi mumkin?

O‘zbekiston musulmonlari idorasining “Movarounnahr” nashriyotiga yangi logotip yasash bo‘yicha professional reklama kompaniyalari, agentliklar va jismoniy shaxslar o‘z takliflarini taqdim etishlari mumkin.↓

Tanlovga ijodiy ish  yuborish tartibi:

1. O‘zingiz yasagan logotip loyihasining nashriyot yo‘nalishiga va diniy mazmunga mos bo‘lishiga e’tibor qarating.
2. Logotip loyihasi joylangan fayl hamda sizga bog‘lanish ma’lumotlarini m-nashr@mail.ru   yoki quyidagi manzilga jo‘nating: O‘zbekiston Respublikasi, 100002, Toshkent shahri, Zarqaynar 18-berk ko‘cha, 47 a-uy. Ma’lumot uchun telefon: (+99871) 227-34-30.

Ijodiy ishlarni o‘rganish mezonlari:

Tanlovga yuborilgan logotip loyihalarini “Movarounnahr” nashriyoti tarkibida tuzilgan hay’at quyidagi mezonlar bo‘yicha baholaydi:

– nashriyot yo‘nalishi, diniy adabiyotlar mazmunini aks ettirishi;

–“Movarounnahr” nashriyoti nomi tasvirlanishi;

– logotip g‘oyasining teranligi va lo‘ndaligi;

– logotip bosma va nobosma materiallar, brendlashtirilgan mahsulotlar va korporativ sovg‘alarga moslashuvchan ko‘rinishda bo‘lishi;

Hay’at eng yaxshi ishlarni tanlab oladi va internet foydalanuvchilari orasida ochiq ovozga qo‘yadi. G‘olib ovozga qo‘yish natijalari hamda tanlov hay’atining yakuniy xulosasi asosida aniqlanib, uning nomi nashrlarimizda va nashriyot saytida e’lon qilinadi.

Tanlov g‘olibi “Movarounnahr” nashriyotining qimmatbaho sovg‘asi bilan taqdirlanadi!

Tanlov natijasi 2019 yil yanvar oyi oxirlarida e’lon qilinadi.