Sayt test holatida ishlamoqda!
12 Yanvar, 2025   |   12 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:48
Peshin
12:36
Asr
15:34
Shom
17:18
Xufton
18:37
Bismillah
12 Yanvar, 2025, 12 Rajab, 1446
Avvalgi sayt
#search
 YouTube

Nishonga urilgan gaplar: “Insonlar sendan uzoqlashib ketsalar ham rost gapirishdan qo‘rqma!”

1.01.2019   3955   1 min.
Nishonga urilgan gaplar: “Insonlar sendan uzoqlashib ketsalar ham rost gapirishdan qo‘rqma!”

Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan. 

 

*****

Universitet ta’limi kishiga aql emas, balki vazifa (ishga joylashishga imkon) beradi.

Albert Eynshteyn

*****

Ho‘kizga oldi tomonidan, eshakka orqa tomonidan, ahmoqqa hech qaysi tomonidan yaqin kelma.

“Tarix muhrlagan so‘zlar”

*****

Ongsiz xalq kuni kelib vijdonsiz ommaviy axborot vositasi yetaklaydigan qo‘ylar podasiga aylanadi.

 “Tarix muhrlagan so‘zlar”

*****

Ehtimol ishga joylashishing kechikayotgandir, ehtimol uylanishing kechikayotgandir, ehtimol bemorlikdan tuzalishing kechikayotgandir. Lekin bu sinovlarga sabr qilganing uchun ajring aslo kechikmaydi. 

“Hikmat durdonalari”

*****

Bu zamondagi ko‘plab odamlar haqida: 

Siqilsang, senga tasalli beradigan insonni topolmaysan. 

Xursand bo‘lsang, seni tabriklaydigan insonni topolmaysan.

Yig‘lasang, ko‘z yoshingni artib qo‘yadigan insonni topa olmaysan. 

Lekin xato qilsang, hamma senga tikilib turganini ko‘rasan.

“Hikmat durdonalari”

*****

Odamlarni o‘zingga jalb etish uchun yolg‘on gapirma! Insonlar sendan uzoqlashib ketsalar ham rost gapirishdan qo‘rqma!

“Hikmat durdonalari”

 

To‘plab, tarjima qiluvchi Nozimjon Iminjonov

Maqolalar
Boshqa maqolalar

Kim bomdod namozini o‘z vaqtida o‘qisa...

8.01.2025   4815   1 min.
Kim bomdod namozini o‘z vaqtida o‘qisa...

1. Kim bomdod namozini o‘z vaqtida o‘qisa, eng afzal amalni ado etgan bo‘ladi. Abdulloh ibn Mas’ud roziyallohu anhu Payg‘ambarimiz alayhissalomdan “Eng afzal amal qaysi?” deb so‘raganlarida Rasululloh sollallohu alayhi vasallam: “O‘z vaqtida o‘qilgan namoz”, deganlar.


2. Kim bomdod namozini o‘z vaqtida o‘qisa, shayton qulog‘iga bavl qilmaydi. Payg‘ambarimiz alayhissalomga tong otganda uxlab yotib, namozga turmagan bir kishi haqida aytishganida Rasululloh sollallohu alayhi vasallam: “Uning qulog‘iga shayton bavl qilibdi”, deganlar.


3. Kim bomdod namozini o‘z vaqtida o‘qisa, o‘sha kungi rizqiga baraka kiradi. Rasululloh sollallohu alayhi vasallam: “Allohim! Ummatimning erta tongdagi ishlarini barakotli qilgin”, deb duo qilardilar.


4. Kim bomdod namozini o‘z vaqtida o‘qisa, Allohning zimmasida bo‘ladi. Rasululloh sollallohu alayhi vasallam: “Kim bomdod namozini o‘qisa, Allohning ahdi va omonida (zimmasida)dir. Alloh sizlarni hargiz ahdini zoye qilgan holda topmasin”, dedilar.


5. Kim bomdod namozini o‘z vaqtida o‘qisa, jannatga kiradi. Rasululloh sollallohu alayhi vasallam: “Kim bomdod va asr namozlarini ado etsa, jannatga kiradi”, deganlar.


6. Kim bomdod namozini o‘z vaqtida o‘qisa, munofiqlikdan uzoq bo‘ladi. Rasululloh sollallohu alayhi vasallam: “Munofiqlarga eng og‘ir namoz xufton va bomdod namozlaridir”, deganlar.

7. Kim bomdod namozini o‘z vaqtida o‘qisa, bu dunyo va undagi narsalardan eng yaxshisi ega bo‘ladi. Rasululloh sollallohu alayhi vasallam: “Bomdodning ikki rakati dunyo va undagi narsalardan yaxshidir”, dedilar.

 

Davron NURMUHAMMAD