O'zbekistonning mashhur sayyohlik yo'nalishlari Janubiy Koreya OAVlari diqqat markazida
Koreya Respublikasining etakchi telekanali - «KBS» «Buyuk ipak yo'li bo'ylab sayyohat» teledasturi O'zbekistonning turizm salohiyatiga bag'ishlangan maxsus ko'rsatuvni tomoshabinlarning e'tiborga havola qildi, deb xabar bermoqda «Dunyo» AA muxbiri.
Maxsus ko'rsatuv O'zbekistonning ekoturizm, gastronomik, ziyorat, tog' turizmi va landshaft turizmi salohiyatiga oid ma'lumotlarni qamrab oldi.
Ijodiy safar bilan O'zbekistonda bo'lib qaytgan «KBS» telekanali vakillari O'zbekistonning mashhur sayyohlik yo'nalishlari, YuNYeSKOning Butunjahon merosi ro'yxatidan joy olgan Samarqand, Buxoro va Farg'ona shaharlarining qadimiy me'moriy yodgorliklari, mamlakatimizning turli hududlaridagi zamonaviy ko'ngilochar maskanlar, o'zbek milliy taomlari va boshqa mavzular haqida atroflicha hikoya qilishgan.
Shu bilan birga, ijodiy guruh vakillari tomonidan Janubiy Koreyalik sayyohlar uchun O'zbekiston bo'ylab sayohat qilishning afzalliklari ham keng yoritib berildi.
Unda, jumladan, bugungi kunda O'zbekiston poytaxtidan respublikaning betakror tarixiy shaharlariga qatnaydigan “Afrosiyob” tezyurar poyezdi vositasida Ipak yo'li yo'nalishlari bo'ylab sayohat qilish mumkinligi ma'lum qilingan.
«KBS» telekanili muxbirining aytishicha, Toshkent me'moriy jihatdan O'rta asr yodgorliklari, zamonaviy ko'p qavatli binolari va sobiq ittifoq me'morchiligi an'analari uyg'unligi bilan sayyohlarni hayratga soladi.
«Toshkentdan mamlakat bo'ylab sayohatchilar nafaqat ravon avtomobil' yo'llari, balki poyezdda ham sayohat qilishi mumkin, deya ta'kidlaydi yapon telejurnalisti. Yilning barcha fasllarida ertalab va kechqurun Toshkentning bosh vokzalidan Buxoro va Samarqand yo'nalishida zamonaviy “Afrosiyob” tezyurar poyezdi qatnaydi. Maksimal tezligi 230 km/soat bo'lgan ushbu poyezd Buxorogacha bo'lgan 600 km yo'lni uch soatu qirq daqiqada bosib o'tadiki, bu aviaparvozga nisbatn qulay va arzondir”.
Muxbir Samarqand va Buxoro shaharlari Markaziy Osiyoning madaniy durdonalari hisoblanishini alohida qayd etgan.
“Buxoro shahri 1997 yilda 2500 yoshga to'ldi. Eski shahar markazida Buxoroning diqqatga sazovor osori atiqasi - 1127 yilda qurilgan Minorai Kalon joylashgan. Uning balandligi 47 metr, poydevori esa 10 metr. Samarqand esa 2750 yildan beri mavjud bo'lib, ushbu shahar dunyodagi eng qadimiy maskanlardan biri hisoblanadi. Ushba qadimiy kent o'nlab bosqinchilardan omon qolgan va qator vayronagarchiliklarni boshdan o'tkazganiga qaramay, u ertaknamo ulug'vorligini yo'qotmagan”, deydi u.
Teledasturda qadimiy o'zbek shaharlarining tarixiy va me'moriy diqqatga sazovor joylari, milliy hunarmandchiligi, ajobiy tabiat manzaralari haqidagi batafsil ma'lumotmotlar yapon teletomoshabinlarining e'tiboriga havola qilindi.
O'zbekiston musulmonlari idorasi
Matbuot xizmati
"Imom Buxoriy" ordeni — yuksak ehtirom ramzi!
Kuni kecha mamlakatimiz mustaqilligining 35 yilligi munosabati bilan muhtaram Prezidentimiz tomonidan yuksak davlat mukofotlariga sazovor bo‘lgan bir guruh vatandoshlarimiz taqdirlandi.
Eng quvonchlisi shuki, tadbirda diniy-ma’rifiy sohada fidokorona xizmat qilib kelayotgan, xalqimizning ma’naviy yuksalishiga beqiyos hissa qo‘shayotgan taniqli ulamolarimiz va faxriylarimizning zahmatli mehnatlari yuksak darajada e’tirof etildi!
Xususan, Diniy idora tizimida uzoq yillardan beri samarali xizmat qilib kelayotgan ustozlardan O‘zbekiston musulmonlari idorasi raisining birinchi o‘rinbosari Homidjon domla Ishmatbekov, O‘zbekiston musulmonlari idorasi Faxriylar kengashi raisi Shayx Abdulaziz Mansur, Samarqand viloyati Payariq tumani "Imom al-Buxoriy" jome masjidi faxriy imomi Mahmudjon domla Ibodullayev, Buxoro viloyati Kogon tumani "Bahouddin Naqshband" jome masjidi imom-xatibi Abdug‘ofur domla Razzoqov "Imom Buxoriy" ordenini Davlatimiz Rahbaridan qabul qilib olishdi.
Ustozlarning ilmiy-ma’rifiy faoliyati, xalq ichida ma’rifat ulashishdagi fidoyiliklari davlatimiz tomonidan yuksak qadrlangani butun diniy-ma’rifiy sohada mehnat qilayotganlar uchun katta faxr va sharafdir.
Ushbu voqea Yangi O‘zbekistonda diniy-ma’rifiy sohaga, milliy qadriyatlarimizni avaylab-asrash hamda rivojlantirishga qaratilayotgan izchil va xayrli siyosatning amaliy ifodasidir.
Xalqimizda qadimdan ma’rifat ahlini ulug‘lash, ularning zahmatli mehnatini qadrlash ezgu an’ana sanaladi. Islom ta’limotida ham ilm egalariga alohida maqom va hurmat bilan qaraladi. Zero, Imom Termiziy bobomiz rivoyat qilgan hadisi sharifda: «Ulamolar payg‘ambarlarning merosxo‘rlaridir», deyilgan.
Ulamolarga ko‘rsatilayotgan bunday e’tiborning nechog‘li xayrli ekani quyidagi hikmatda ham o‘z ifodasini topgan. Ulug‘ zotlardan biri Tovus rahmatullohi alayh otasidan quyidagicha rivoyat qilgan: «To‘rt kishini hurmat qilish sunnatdir: olim, yoshi ulug‘ inson, podshoh va ota» (Imom Abdurazzoq rivoyati).
Mazkur yuksak mukofot milliy va diniy qadriyatlarimizni tiklash, Islom ma’rifatini keng targ‘ib etish, jamiyatda bag‘rikenglik va tinchlik-omonlikni bardavom saqlash yo‘lidagi ko‘p yillik xayrli xizmatlarning munosib e’tirofidir.
Davlatimizning bunday e’tibori diniy soha xodimlariga yanada ulkan mas’uliyat yuklaydi, ma’naviy yuksalish yo‘lidagi xayrli xizmatlar ko‘lamini yanada kengaytirishga xizmat qiladi, insha Alloh.
O‘zbekiston musulmonlari idorasi Matbuot xizmati
- «
- »