Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan. 

*****

Texnologiya hamma narsani qora (balchiqqa) belashidan oldin bolaligimni o‘tkazganimga xursandman.

“Tarix muhrlagan so‘zlar”

*****

Miyangdan foydalan! Axir u tekin-ku!

“Tarix muhrlagan so‘zlar”

*****

Eski do‘stingni tark etma. Chunki yangi do‘st u kabi bo‘lmasligi mumkin.

Sulaymon Hakim

*****

Oliyjanoblik – birorta inson seni ko‘rmay turgan paytda ishingni puxta, sahih qilib bajarishingdir.

“Tarix muhrlagan so‘zlar”

*****

Odamlar bilan bo‘ladigan aloqam daraxt barglariga o‘xshaydi.

(Daraxt  shoxi, bargi daraxtda qolsa, unib-o‘sadi, daraxtga foydasi tegadi, uzilib yerga tushgani esa hech qachon daraxtga kelib qaytadan yopishmaydi.) Yonimda qolgan insonning foydasi tegadi. Yonimdan ketgani qaytib kelmaydi.

“Tarix muhrlagan so‘zlar”

*****

Boshingdan qiyin kunlarni o‘tkazayotganingda, “Ishlaringga biz e’tibor beramiz, yoningdamiz” degan odamlarning qandayligini bilib olasan.

“Sukutdagi sadolar”

*****

Ba’zi insonlar ko‘nglimizda “Kelgusida ularga o‘xshaganlardan qanday chetlanishimiz borasida” tajriba qoldiradilar. 

“Sukutdagi sadolar”

*****

Biror narsaga nisbatan «Sinib qolmasmikin!» degan qo‘rquv bilan keragidan ortiq xavotir bo‘lishing sening sinishingga, uni esa butun qolishiga sabab bo‘ladi.

(Bu xavotir seni ich-ichingdan kemiradi. O‘sha narsaga yoki insonga hech narsa bo‘lmasligi mumkin, ammo sen o‘ylayverib, xavotirlanaverib ado bo‘lasan deyilmoqchi.)

*****

• Biror insonga foydang tegmasa, hech bo‘lmasa zararing ham tegmasin!
• Biror insonni xursand qilolmasang, hech bo‘lmasa xafa ham qilma!
• Biror inson haqida yaxshi so‘z aytolmasang, hech bo‘lmasa yomon so‘z ham aytma!
• Birovning yutug‘idan xursand bo‘lolmasang, hech bo‘lmasa hasad ham qilma!

«O‘zingni tuzat» sahifasidan

*****

Internet materiallaridan to‘plab, tarjima qiluvchi

Nozimjon Iminjonov