Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan. 

*****

O‘zingda bor narsalar haqida tafakkur qil, o‘zingda yo‘q narsalar haqida emas. Senda bor narsalar Allohning karamidandir. Senda yo‘q narsalar Allohning hikmatidandir.

“Hikmat durdonalari”

*****

Agar seni qorong‘uda topa olmasam, (tong otib, atrof) yorug‘ bo‘lganda senga ehtiyojim yo‘q.

“Tarix muhrlagan so‘zlar”

*****

Shaytonlar – Vatan uchun emas, balki Vatanga qarshi urushuvchilardir.

“Tarix muhrlagan so‘zlar”

*****

Laganbardorlik va munofiqlikni bas qil! Nima bo‘lgan taqdirda ham haqiqatni gapir! Sening yoningda qoladiganlar bitta qo‘lingdagi barmoqlar adadidan oshmaydi. Lekin ana o‘shalar sen bilan bir umrga birga bo‘ladilar.

“Tarix muhrlagan so‘zlar”

*****

Muammo haqni bilishda emas. Balki natija nima bo‘lishidan qat’i nazar haqni aytishdadir.

Muhammad G‘azoliy rahimahulloh

*****

Odamlarning tasarruflarini kuzatadilar.

Odamlarning xulq-atvorini tanqid qiladilar.

Odamlarning niyatlarini tahlil qiladilar.

Shu bilan o‘z hayotlarini yashamay, balki odamlarning hayotini yashab umrlari o‘tib ketadi.

“Tarix muhrlagan so‘zlar”

*****

Bir og‘iz gapirmasingdan turib seni eshitadiganlar va tushunadiganlarni ehtiyot qil!

“Tarix muhrlagan so‘zlar”

*****

Kutayotgan kishi uchun vaqt sekin o‘tayotgandek tuyuladi.

Qo‘rqayotgan kishi uchun vaqt tez o‘tayotgandek tuyuladi.

Mahzun kishi uchun vaqt uzundek tuyuladi.

O‘yin-kulgi qilayotgan kishi uchun vaqt qisqadek tuyuladi.

“Hikmat durdonalari”

Internet materiallaridan to‘plab, tarjima qiluvchi

Nozimjon Iminjonov