"Eng ma’rifatli imom – 2018” ko‘rik tanlovi g‘oliblari aniqlandi
20.12.2018
4946
4 min.
Bugun, 20 dekabr kuni O‘zbekiston musulmonlari idorasida har yili an’anaviy tarzda o‘tkazilib kelinayotgan "Eng ma’rifatli imom – 2018" ko‘rik tanlovining respublika bosqichi o‘tkazildi. Unda tanlovning Qoraqalpog‘iston Respublikasi, Toshkent shahri va viloyatlar bosqichida birinchi o‘rinni egallagan 14 nafar imom-xatib bellashdilar.
Tadbirda O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita, O‘zbekiston musulmonlari idorasi rahbar xodimlari, ulamolar, imom-xatiblar va ommaviy axborot vositasi xodimlari ishtirok etdi.
Yig‘ilgan ballar bo‘yicha g‘oliblar aniqlandi.
1 o‘rin: Farg‘ona viloyati Marg‘ilon shahridagi «Xudoyorhoji» jome masjidi imom-noibi Abduvohid Ahmadaliyev. Unga O‘zbekiston musulmonlari idorasining birinchi darajali diplomi va "Vaqf" xayriya jamoat fondi tomonidan taqdim etilgan noutbuk va 3.000.000 so‘m pul mukofoti topshirildi.
2 o‘rin: Toshkent shahar Yunusobod tumanidagi «Kulolqo‘rg‘on» jome masjidi imom-xatibi Yahyoxon Abdurahmonov. Unga O‘zbekiston musulmonlari idorasining ikkinchi darajali diplomi va "Vaqf" xayriya jamoat fondi tomonidan taqdim etilgan LCD 42 televizor va 2.500.000 so‘m pul mukofoti topshirildi.
3 o‘rin: Toshkent viloyati Qibray tumanidagi «Sa’dullo ota» jome masjidi imom-xatibi Obidjon Mirhamidov . Unga O‘zbekiston musulmonlari idorasining uchinchi darajali diplomi va "Vaqf" xayriya jamoat fondi tomonidan taqdim etilgan mikro to‘lqinli pech va 2.000.000 so‘m pul mukofoti topshirildi.
Bundan tashqari, bir qancha nominatsiyalar bo‘yicha ham g‘oliblar nomi e’lon qilindi.
"Eng ko‘p obuna uyushtirgan imom" nominatsiyasi bo‘yicha Samarqand viloyati Pastdarg‘om tumanidagi "Nurul Islom" jome masjidi imomi Ozod Nazarov;
"Eng ko‘p maqola chop etgan imom" nominatsiyasi bo‘yicha Qashqadaryo viloyati Kasbi tumanidagi "Fazli" jome masjidi imomi Azamat Usmonov;
"Eng obod masjid" nominatsiyasi bo‘yicha Urganch shahridagi "Oxun bobo" jome masjidi;
"Eng innovatsion yondashuv" nominatsiyasi bo‘yicha Samarqand viloyati Qo‘shrabot tumanidagi "Domlo Omonullo" G‘anijon Abiyev va Andijon viloyati Oltinko‘l tumanidagi "Dalvarzin" jome masjidi imomi Iskandar Ortiqov taqdirlandilar.
Amerikalik olimning mashhur kitobi o‘zbek tiliga tarjima qilindi
7.03.2025
6429
1 min.
Imom Moturidiy xalqaro ilmiy-tadqiqot markazi tomonidan dunyo jamoatchiligining e’tirofini qozongan kitoblardan biri o‘zbek tiliga tarjima qilindi.
Amerikalik tarixchi va jurnalist Frederik Star qalamiga mansub “Yo‘qolgan tamaddun” (Lost Enlightenment) nomli ushbu kitobda O‘rta Osiyo tarixi va madaniyatining qadim davrlardan Temuriylar davrigacha bo‘lgan taraqqiyoti keng yoritilgan.
Ayniqsa, IX-XII asrlarda mintaqada kuzatilgan madaniy va ilmiy yuksalish jarayoniga alohida e’tibor qaratilgan. O‘rta Osiyo tarixning har bir davrida dunyo tamaddunining beshiklaridan biri bo‘lib kelganiga urg‘u berilgan.
Muallif o‘z asarida O‘rta Osiyo sivilizatsiyasining shakllanish va rivojlanish bosqichlarini chuqur tahlil qilib, bu mintaqaning jahon ilm-fani va madaniyatiga qo‘shgan ulkan hissasini faktlar asosida ochib bergan. Ahmad Farg‘oniy, Muso Xorazmiy, Abu Nasr Farobiy, Abu Rayhon Beruniy, Ibn Sino kabi buyuk olimlarning hayoti, ilmiy faoliyati va madaniy merosi xususida muhim qarashlar ilgari surilgan.
Asar mintaqa ilm-fani va madaniyatining muhim jihatlarini ochib berishi bilan birga uning jahon tamaddunida tutgan o‘rnini anglashga ham yordam beradi.
Kitobni nashrga tayyorlash jarayonida O‘zbekistonning AQSHdagi elchixonasi ko‘magida muallif bilan muloqot o‘tkazilib, rasmiy nashr uchun rozilik olindi.
Imom Moturidiy xalqaro ilmiy-tadqiqot markazi tomonidan nashr etiladigan kitobni O‘zbekistondagi barcha ta’lim muassasalariga tarqatish ko‘zda tutilgan.
Ta’kidlash joizki, “Yo‘qolgan tamaddun” asari ilmiy jamoatchilik barobarida O‘rta Osiyo tarixi va madaniyatiga qiziquvchi barcha kitobxonlar uchun muhim va foydali manba sifatida xizmat qiladi.
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
