Sayt test holatida ishlamoqda!
13 Yanvar, 2025   |   13 Rajab, 1446

Toshkent shahri
Tong
06:23
Quyosh
07:47
Peshin
12:37
Asr
15:35
Shom
17:19
Xufton
18:38
Bismillah
13 Yanvar, 2025, 13 Rajab, 1446

Rizqingiz keng bo‘lishini istasangiz

18.12.2018   4378   6 min.
Rizqingiz keng bo‘lishini istasangiz

Bismillahir Rohmanir Rohiym

Alloh taologa beadad hamdu sanolar, Rasululloh sollallohu alayhi vasallamga durudu salavotlar bo‘lsin. 

  1. Istixora namozini o‘qishga odatlaning. Birinchi rakatda Fotiha surasidan keyin Kafirun, ikkinchi rakatda esa Ixlos surasi o‘qiladi. So‘ngra quyidagi duo qilinadi:

“Allohumma inniy astaxiyruka bi’ilmika va astaqdiruka biqudrotika va as'aluka min fazlikal ’aziym. Fainnaka taqdiru va la aqdiru va ta’lamu va la a’lamu va anta ’allamul g‘uyub. Allohumma in kunta ta’lamu anna hazal amro xoyrun liy fiy diyniy va ma’ashiy va ’aqibati amriy, ’ajili amriy va ojilihi, faqdurhu liy va yassirhu liy, summa barik liy fiyhi va in kunta ta’lamu anna hazal amro sharrun liy fiy diyniy va ma’ashiy va ’aqibati amriy, ’ajili amriy va ojilihi fasrifhu ’anniy vaqdurlil xoyro haysu kana summa rozziniy bih” deb, hojat aytiladi.

“Allohim, Sening ilming bilan Sendan yaxshilik so‘rayman. Sening qudrating bilan Sendan qodirlik va ulug‘ fazlingni so‘rayman. Sen (har narsaga) qodirsan, men qodir emasman. Sen (har narsani) biluvchisan, men bilmayman. Sen g‘aybni biluvchisan. Allohim, agar mana shu qilayotgan ishim (hojatining nomini aytadi) dinimda, yashashimda, ishlarimning oqibatida, dunyo va oxiratimda men uchun yaxshi bo‘lsa, uni menga nasib et va oson qil. So‘ng uni menga barokotli qil. Agar mana shu ishim (hojatining nomini aytadi) dinimda, yashashimda, ishlarimning oqibatida, dunyo va oxiratimda men uchun yomon bo‘lsa, mendan uni uzoqlashtir, qayerda bo‘lsa ham, men uchun yaxshilikni taqdir qil va meni undan rozi et”.

Jobir ibn Abdulloh roziyallohu anhu aytadilar: “Rasululloh sollallohu alayhi vasallam bizga har bir ishda, xuddi Qur’ondan sura o‘rgatgandek, istixora qilishni o‘rgatar edilar”. 

  1. Faqirlikdan Allohdan panoh so‘rang. Abdulloh ibn Abbos roziyallohu anhu rivoyat qiladilar: “Rasululloh sollallohu alayhi vasallam faqirlikdan kutulish uchun ushbu duoni o‘qishni ta’lim berganlar”:

“Allohumma, Robbas samaavaatis sab’i va Robbal arshil a’ziym. Robbanaa va Robba kulla shayin, munzilat Tavrooti val Injiyli val Qur’aani! Faaliqol habbi van navaa! A’uuzu bika min sharri kulli shayin anta aaxizun binaa siyatihi, antalAvvalu fa laysa qoblaka shayun. Va antal Aaxiru fa laysa ba’daka shayun. Va antaz-Zohiru fa laysa vafqoka shayun. Va antal Baatinu fa laysa duunaka shayun! Iqzi ’anni addayna va ag‘ninii minal faqri” (Imom Muslim Imom Termiziy rivoyati).

“Allohim! Yetti osmonning Robbi va ulug‘ Arshning Robbi! Robbimiz va barcha narsaning Robbi! Yo Tavrot, Injil va Qur’onni nozil qiluvchi! Yo donni va danakni yoruvchi! Men Sendan O‘zing peshonasidan tutuvchi har narsaning sharridan panoh tilayman. Sen avvalsan! Sendan oldin hech narsa yo‘q! Sen oxirsan! Sendan keyin hech narsa yo‘q! Sen zohirsan! Sendan ustun hech narsa yo‘q! Sen botinsan! Sening ortingda hech narsa yo‘q! Meni qarzimdan qutqar! Meni faqirlikdan boy qil!”. 

  1. Ikki yoki to‘rt rakat hojat namozini o‘qing. Birinchi rakatda Fotiha surasi va Oyatal kursiy uch marta o‘qiladi. Qolgan uch rakatning har birida Fotiha surasidan so‘ng Ixlos, Falaq va Nas suralari bir martadan o‘qiladi. So‘ngra ushbu duo qilinadi:

“Laa ilaaha illallohul Haliymul Kariym, subhaanallohi Robbil- arshil ’aziym. Alhamdulillaahi Robbil ’aalamiyn. Asaluka mujibaati rohmatik va ’azaaima mag‘firotik val g‘oniymata min kulli birrin vas salaamata min kulli ismin. Laa tada’ lanaa zanban illa g‘ofartah va laa hamman illa farrojtah va laa haajatan hiya laka rizon illa qozoytah yaa Arhamar Rohimiyn”.

Halimu Karim Allohdan o‘zga (ibodatga sazovor) iloh yo‘q. Ulug‘ Arshning Robbi Alloh pokdir. Olamlarning Robbi Allohga hamdlar bo‘lsin. Men Sendan rahmatingni vojib qiluvchi, mag‘firatingni taqozo qiluvchi narsalarni so‘rayman, barcha yaxshiliklardan nasiba, barcha yomonliklardan salomat bo‘lishni so‘rayman. Mening hech bir gunohimni qo‘ymay mag‘firat qilgin, hech bir g‘amimni qo‘ymay kushoyish qilgin, O‘zing rozi bo‘lgan hech bir hojatimni qo‘ymay albatta ravo qilgin, Yo Rahmlilarning rahmlisi!”. 

  1. Allohdan oson qilishini so‘rab duo qiling. “Robbi yassir va la tu’assir. Robbi tammim bil xoyri”.

“Robbim! Oson qilgin, qiyin qilma. Robbim, (ishimni) yaxshilik bilan tugatgin”. 

  1. Allohdan keng rizq so‘rab duo qiling. “Allohumma inniy asaluka ilman naafi’an, rizqon vaasi’an va ’amalan mutaqobbalan”.

“Allohim, Sendan manfaat beradigan ilm, keng rizq va qabul qilinadigan amal so‘rayman!”.

  1. Alloh taoloning taqsimotiga rozi bo‘ling. “Robbi inniy lima anzalta ilayya min xoyrin faqiyrun”.

“Robbim! Men uchun nima yaxshilik (rizq) tushirsang, o‘shanga muhtojdirman” (Qasos surasi, 24-oyat).

Rasululloh sollallohu alayhi vassalom: “Alloh senga taqsim qilgan narsaga rozi bo‘l, odamlarning eng boyi bo‘lasan”, deganlar.

Alloh taolo rizqimizni keng qilsin, halolidan bersin. O‘zidan o‘zgaga muhtoj etmasin.

Davron NURMUHAMMAD

tayyorladi

Maqolalar
Boshqa maqolalar
Yangiliklar

O‘zbekiston delegatsiyasi haj vaziri bilan ziyoratchilarga qulayliklar yaratish yuzasidan uchrashuv o‘tkazdi

12.01.2025   2586   1 min.
O‘zbekiston delegatsiyasi haj vaziri bilan ziyoratchilarga qulayliklar yaratish yuzasidan uchrashuv o‘tkazdi

Shu yil 11 yanvar kuni Jidda shahrida O‘zbekiston delegatsiyasi hamda Saudiya Arabistoni Haj va umra vazirligi rahbariyati o‘rtasida muloqot bo‘lib o‘tdi.

Unda Haj va umra vaziri doktor Tavfiq bin Favzon ar-Rabia, Din ishlari bo‘yicha qo‘mita raisi Sodiqjon Toshboyev, O‘zbekiston musulmonlari idorasi raisi, muftiy Shayx Nuriddin Xoliqnazar, “Haj” va “Umra” ishlari bo‘yicha attashe Shuhrat Amoniy ishtirokida o‘zaro aloqalarning istiqbollari hamda “Haj – 2025” mavsumini yuqori darajada tashkil etish muhokama  qilindi.

Uchrashuv avvalida O‘zbekiston Respublikasi Prezidenti Shavkat Mirziyoyev janobi oliylari hamda Ikki muqaddas masjid xodimi, Saudiya Arabistoni Podshohi Salmon bin Abdulaziz Ol Saud, Valiahd va Bosh vazir Muhammad bin Salmon Ol Saud o‘rtasidagi do‘stona munosabatlar jadal rivojlanayotgani, Alloh taoloning mehmoni bo‘lgan ziyoratchilarga namunali xizmat ko‘rsatilayotgani alohida qayd etildi. 

Ayniqsa, haj kvotasi avvalgiga qaraganda 2 karra oshirilgani, keyingi yetti yilda 60 mingdan ziyod yurtdoshimiz haj amallarini bajargani yuqori baholandi. Umra safarlari uchun cheklovlar olib tashlangani, qonuniy tartibga solingani ta’kidlandi.

So‘nggi yillarda davlatimiz Rahbari tashabbuslari bilan yurtimizda haj va umra safarlari yo‘nalishida amalga oshirilayotgan islohotlar, tashkiliy tadbirlar, huquqiy asoslar, raqamlashtirish jarayonlari va o‘zbekistonlik ziyoratchilarning tartib-intizomi Saudiya tomonidan yuqori baholandi.

Shuningdek, Tavfiq bin Favzon ar-Rabia so‘zining davomida Yangi O‘zbekistondagi islohotlarni e’tirof etish barobarida zaminimizdan nafaqat islom ulamolari, balki dunyo sivilizatsiyasiga katta hissa qo‘shgan Ibn Sino, al-Xorazmiy kabi buyuk mutafakkirlar, ilm-fan namoyondalari yetishib chiqqani va yurtdagi bugungi o‘zgarishlar yana mana shunday allomalar chiqishiga poydevor bo‘lishini ta’kidladi.

Muloqot yakunida tomonlar esdalik sovg‘alari topshirdilar.

O‘MI Matbuot xizmati

O‘zbekiston delegatsiyasi haj vaziri bilan ziyoratchilarga qulayliklar yaratish yuzasidan uchrashuv o‘tkazdi O‘zbekiston delegatsiyasi haj vaziri bilan ziyoratchilarga qulayliklar yaratish yuzasidan uchrashuv o‘tkazdi O‘zbekiston delegatsiyasi haj vaziri bilan ziyoratchilarga qulayliklar yaratish yuzasidan uchrashuv o‘tkazdi O‘zbekiston delegatsiyasi haj vaziri bilan ziyoratchilarga qulayliklar yaratish yuzasidan uchrashuv o‘tkazdi O‘zbekiston delegatsiyasi haj vaziri bilan ziyoratchilarga qulayliklar yaratish yuzasidan uchrashuv o‘tkazdi O‘zbekiston delegatsiyasi haj vaziri bilan ziyoratchilarga qulayliklar yaratish yuzasidan uchrashuv o‘tkazdi O‘zbekiston delegatsiyasi haj vaziri bilan ziyoratchilarga qulayliklar yaratish yuzasidan uchrashuv o‘tkazdi
O'zbekiston yangiliklari