AQSHning Ogayo shtatidagi masjidlarda joriy yilning 16 dekabr kuni "Ochiq masjidlar kuni" tashkil etildi. Bu haqda International Quran News Agency xabar berdi.

Ogayodagi Markaziy Ogayo masjidida ham ushbu tadbir keng miqyosda tashkil etildi. Ushbu tadbir Ogayo shtatida tarixida ilk bor o‘tkazilayotgani qayd etilgan. Loyihadan ko‘zlangan maqsad musulmonlarga nisbatan jamoatchilikda shakllangan fikrni o‘zgartirish ekani ta’kidlangan. Shtat aholisi e’tiqodlararo hamkorlik masalasida qilingan ushbu g‘oyani qo‘llab-quvvatlashgan.

Tashrif buyurganlar yengil taomlardan iste’mol qilishlari, musulmonlar hayoti bilan tanishishlari va Islom dini haqida ma’lumot olishlariga imkoniyat yaratilgan. CAIR-Columbus tashkiloti ushbu tadbirni tashkil etishda bosh-qosh bo‘lishi qayd etilgan.

Ma’lumot uchun, CAIR tashkiloti AQSHdagi yirik musulmonlar fuqarolik huquqlari uchun kurashuvchi tashkilot bo‘lib, Ogayoning Kolumbus, Klevlend va Sinsinatti shaharlarida o‘zining tarmoqlariga ega.

O‘zbekiston musulmonlari idorasi Matbuot xizmati