Imonning yarmi deya sifatlangan sabr haqida qancha ko‘p yozilsa, qancha ko‘p kitoblar nashr etilsa, shuncha foydali bo‘ladi. Chunki sabr-qanoat insonga bot-bot eslatib turilmasa, insonning besabrlikka beriluvchanlik tabiati ustunlik qilib oladi.

Ushbu kitobning fazilati shundaki, unda sabrning fazilati shariatimiz ahkomlariga ko‘ra ta’riflangan.  Uning dindagi o‘rni,  sabr sohibiga beriladigan darajalar, sabrning qismlari, sayr va sulukdagi o‘rni; sabrdan keladigan foydalar, sabrsizlik sabab bo‘ladigan ofatlar tartibi bilan xuddi tolibi ilmga tushuntirilgandek, sodda usulda bayon qilingan.

Eng muhimi, ushbu mo‘jaz asarni o‘qigan kitobxon muqaddas Kitobimiz – Qur’oni karimda  sabrga qanchalik katta e’tibor qaratilgani va uning yetmishdan ortiq joyda zikr etilgani, sabrli insonlarga naqadar ulkan  ajru savoblar va’da qilinganini bilib oladi.

Tarjimon kitobning ta’sirchanlik ruhini oshirishni niyat qilib, tarjima so‘ngidan oyat, hadislar, hikmat va maqollar keltirganki, bundan muhtaram kitobxonlarga juda ham yaxshi foyda yetadi degan fikrdamiz.

Asar “Movarounnahr” nashriyotida chop etilgan

Muallif: Muhammad Zohid Qo‘tqu

Tarjimon: Damin Jumaqul

Muharrir: Tolib Nizom

Nashriyot do‘konidagi narxi 5000 so‘m