Aljirda Qur’oni karim mo‘jizalariga bag‘ishlangan xalqaro simpozium bo‘lib o‘tdi, deb xabar bermoqda International Quran News Agency.
Tashkilotchilarning fikrlariga ko‘ra, Qur’oni karimning haqiqiyligi zamonamizning turli xil kashfiyotlari va ilmiy yutuqlari bilan o‘z tasdig‘ini topmoqda.
(Qur’oni karim oyatlarida bayon etilgan ilmiy mo‘jizalar bilan bog‘liq yangiliklar kundan-kunga kashf etilib, unga bo‘lgan qiziqish tobora ortib bormoqda.)
“Qur’oni karim va Sunnatdagi ilmiy mo‘jizalar” simpoziumi ishtirokchilari ilmiy klub tashkil etib, unda Qur’oni karim va Sunnatdagi ilmiy mo‘jizalarning sharhini amalga oshirish, shuningdek yangi majlislarni o‘tkazish taklifini ilgari surishdi.
Seminarda Aljir va xorijiy mamlakatlarning turli universitetlari (Falastin, Tunis, Buyuk Britaniya va boshqalar) dan tadqiqotchilar ishtirok etishdi.

O‘zbekiston musulmonlari idorasi matbuot xizmati