Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan. 

*****

Qum ustiga qurilgan narsa yo bugun yoki ertaga qulaydi.

“Tarix muhrlagan so‘zlar”

*****

Munofiq kimsa sizni baland ovozda maqtaydi-da, jim turib xiyonat qiladi.

“Tarix muhrlagan so‘zlar”

*****

Hayotdagi eng xatarli inson – yolg‘onchidir!

“Tarix muhrlagan so‘zlar”

*****

Yaxshi nom qoldirishga e’tiborli bo‘l. Chunki sendan keyin ham uzoq vaqt yashaydigan narsang – yaxshi nomingdir.

“Tarix muhrlagan so‘zlar”

*****

Agar meni yaxshi tanimasang ham men haqimda yaxshi gumon qilib, hurmatimni joyiga qo‘yaver.

Najib Mahfuz

*****

Bir shaxs sening qalbingni sindirdi, ishongan do‘sting ishonchingni oqlamadi, mansabdor kimsa senga zulm qildi, sening muvaffaqiyat yo‘ling xuddi shu joydan boshlanadi. Endi sen odamlardan umidingni uzasan-da, Alloh taoloning o‘ziga yuzlanasan, Undan yordam so‘raysan. U esa seni boshqalardan behojat qilib qo‘yadi.

“Tarix muhrlagan so‘zlar”

*****

Haqiqiy do‘st – bitta shodlik va bitta mahzunlikni ikki qalb ko‘tarib yuradi deganidir.

“Hikmatlar”

*****

(Do‘stimiz bizni tashlab ketganda) biz do‘stlarni yo‘qotmaymiz, balki haqiqiy do‘st kim ekanligini bilib olamiz.

“Hikmatlar”

Internet materiallaridan to‘plab, tarjima qiluvchi

Nozimjon Iminjonov