Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.
*****
Yaxshi ko‘rishimiz xatolarni ko‘rishdan ko‘zlarimizni “ko‘r” qilib qo‘yadi. Yomon ko‘rish esa haqiqatlarni ko‘rishdan ko‘zlarimizni “ko‘r” qilib qo‘yadi.
“Tarix muhrlagan so‘zlar”
*****
Umrim o‘tgani sayin odamlarning gaplariga e’tiborim kamayib borib, (aytadigan gaplariga nechog‘li) amal qilishlarini ko‘rish bilan kifoyalandim.
“Tarix muhrlagan so‘zlar”
*****
Qoloqlikning eng muhim sabablaridan biri – biror vazifani o‘sha ishning mutaxassisi bo‘lmagan kishiga topshirishdir.
“Tarix muhrlagan so‘zlar”
*****
Ichi kir odam (jamiyatda) pok insonlarning borligini hazm qila olmaydi.
“Tarix muhrlagan so‘zlar”
*****
Baxil kimsa ochlikdan vafot etsa, uning farzandlari me’da sustligi (ovqatni hazm qila olmaslik) kasalligidan o‘ladilar.
“Tarix muhrlagan so‘zlar”
*****
Har qanday munosabatning boshida hissiyotlar, oxirida esa axloq ko‘rinadi.
Najib Mahfuz
*****
Aqlning quvvati haqiqatni ko‘tarishiga qarab o‘lchanadi.
“Tarix muhrlagan so‘zlar”
*****
Orzu tuzga o‘xshaydi. Tuz o‘zi qorinni to‘ydirmaydi, lekin taomga maza kiritadi.
“Tarix muhrlagan so‘zlar”
*****
Oqil odam fikrlari haqida gapiradi. Zakiy odam amallari haqida gapiradi. Ahmoq esa yegan taomlari haqida gapiradi.
“Tarix muhrlagan so‘zlar”
*****
Sening yoningda yuradigan ba’zi shaxslar aslida senga emas, o‘zlarining sendagi ehtiyojlariga muxlisdirlar. Ishlari bitishi bilan ixloslari ham o‘zgaradi.
“Tarix muhrlagan so‘zlar”
*****
Goh-gohida hammadan uzoqlashib, birorta odam topolmaydigan joyga ketib, yolg‘iz bo‘lishni istab qolamiz.
Shams Tabriziy rahimahulloh
*****
O‘g‘ling sening ikkinchi imkoniyatingdir. Yo‘qotganlaringni u bilan to‘ldir.
“Tarix muhrlagan so‘zlar”
*****
Modomiki tirik ekansan, nafsing bilan kurashishni to‘xtatma!
“Tarix muhrlagan so‘zlar”
*****
Farzandlarni bino qilish (tarbiya qilish) ularga bino qurishdan muhimroqdir.
“Tarix muhrlagan so‘zlar”
*****
Internet materiallaridan to‘plab, tarjima qiluvchi
Nozimjon Iminjonov
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
