2023 yilning o'tgan davrida 16 milliard so'mdan ziyod mablag' xayriya sifatida sarflangan
20.07.2023
1142
3 min.
AOKAda o'tkazilgan brifingda “Vaqf” xayriya jamoat fondi axborot xizmati rahbari Saidabror Umarov irinchi yarim yilligida amalga oshirilgan xayriya ishlari haqida ma'lumot berdi:
2023 yilning o'tgan 6 oyi davomida fond tomonidan xayriya, zakot, vaqf mulklari, ziyoratgohlar, diniy tashkilotlar va aktsiyalar orqali kelib tushgan mablag'lar hamda homiylar va hamkor tashkilotlar tomonidan taqdim etilgan moddiy ko'rinishdagi ehsonlar bilan qo'shib hisoblaganda jami 16 659 713 130 so'mdan ziyod mablag' xayriya sifatida sarflandi.
Shu jumladan:
1.Diniy ta'lim muassasalari, ilmiy-tadqiqot markazlari faoliyatini moliyalashtirish maqsadida “Qur'on va tajvidni o'rgatish” o'quv kurslari dars xonalariga 11 dona smart doska uchun – 187 000 000so'm;
2. Diniy ta'lim muassasalari professor-o'qituvchilari hamda texnik xodimlarini moddiy va ijtimoiy qo'llab-quvvatlash uchun – 2 393 163 130 so'm;
3. Diniy ta'lim muassasalarida tahsil olayotgan 141 nafar talabalarini moddiy qo'llab-quvvatlash va to'lov-shartnomalari uchun - 745 635 000 so'm;
4. Masjidlar va ziyoratgohlarning xodimlarini ijtimoiy qo'llab-quvvatlash uchun – 130 000 000 so'm;
5. Yurtimizda faoliyat olib borayotgan 2119 nafar imom-xatiblarning har biriga bir martalik 5 000 000 so'mdan jami 10 595 000 000 so'm, 192 nafar otinoylarning har biriga 3 000 000 so'mdan jami 576 000 000 so'm;
6. Aholining ijtimoiy himoyaga muhtoj qatlamlarini moddiy qo'llab-quvvatlash uchun – 1 195 915 000 so'm, shundan imkoniyati cheklangan, nogironligi bor bo'lgan shaxslarni moddiy qo'llab-quvvatlash uchun – 407 900 000 so'm;
7. Turli xayriya tadbirlari uchun – 216 000 000 so'm;
8. Viloyat vakilliklarining ma'muriy harajatlari uchun berilgan moddiy yordam – 70 000 000 so'm miqdoridagi mablag'lar sarflandi.
Bundan tashqari, “Qurbon hayiti – 2023” tadbiri doirasida 471 000 000 so'm qiymatidagi go'sht va Saudiya Arabistoni tomonidan taqdim etilgan 25 tonna hurmolar bayram sovg'asi sifatida haqdorlarga etkazildi.
Shuningdek o'tgan 6 oy davomida mamlakatmizning ichimlik suvi tanqis bo'lgan turli hududlaridagi aholini toza ichimlik bilan ta'minlash maqsadida “Vaqf suvlari” loyihasi doirasida Qashqadaryo viloyatining G'uzor tumanidagi quduq uchun 80 000 000 so'm fond hisobidan sarflangan bo'lsa, homiylarni jalb qilgan holda 3 ta artezian qudug'i qazib ishga tushirildi. Yana 3 ta hududda qazish ishlari amalga oshirilmoqda.
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
