Masjidi Haromning ishlar bosh boshqarmasi namozxonalardan birini eshitish qobliyati bilan bog‘liq nogironligi bo‘lgan shaxslar uchun surdo (ishorat) tilini biladigan tarjimon bilan ajratilganini ma’lum qildi. Bu haqda IQNAga tayanib islom.uz nashri xabar beradi.

Xabarda aytilishicha, juma namozi, Fitr va Qurbon bayramlari mav’izalari, yomg‘ir duosi, darslar va Masjidi Haromda aytiladigan va’zlarni surdo tarjima orqali ularga yetkazish imkoniyati yaratilgan. Shuningdek, bu yerda ko‘zi ojizlar uchun namozxonaga olib boradigan maxsus oq tutqichlar ham o‘rnatilgan. Ular uchun Brayl yozuvidagi Qur’oni karimlar hamda Mus'hafni tutib turadigan maxsus uskuna tayyorlangan.

Bundan tashqari, bu kabi namozxonlar uchun aqlli soatlar ham ishga tushirilgan. Umuman olganda, nogironlarning bemalol harakat qilishlari uchun barcha shart-sharoitlar yaratilgan.

O‘zbekiston musulmonlari idorasi Matbuot xizmati