Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan. 

*****

Ey Robbim!

Har bir vafot etgan mo‘minni rahm qilgin!

Har bir bemorga shifo bergin!

Har bir g‘amnokka shodlik bergin!

Har bir ishsizga ish bergin!

Har bir befarzandga solih-soliha farzandlar ato etgin!

Har bir tolibi ilmga foydali ilm bergin!

Har bir bo‘ydoqqa solih-soliha juftni ro‘baro‘ qilgin!

Har bir mahzunga saodat bergin!

*****

Ko‘pincha sevishini ifoda qilib berolmaydiganlar ko‘proq sevishadi.

 *****

Bu hayotda ko‘p narsani o‘zing o‘qib, o‘rganasan. Ammo qo‘pollikni boshqalar bilan bo‘ladigan sadoqatsiz muomalalardan keyin o‘rganasan.

*****

Eng hunuk narsalardan biri – qadrnonim deb yurgan odaming xatoyingni aytmasdan sen bilan aloqani uzishidir.

*****

Ba’zi odamlar sun’iy daraxtlarga o‘xshaydi. Har qancha sug‘orsang ham meva bermaydi.

*****

Hech kimni jerkib, chetga surib qo‘yma! Ammo seni xohlamaydigan insonni qo‘lidan tutib qolma.

*****

Shunday insonlar borki, ular odamlarga ayb izlash ko‘zi bilan, o‘zlariga esa go‘zallik, yutuq izlash ko‘zi bilan qaraydilar.

*****

Hech kimga zulm qilmaslikka, hech kimni g‘iybat qilmaslikka, hech kimning dilini og‘ritmaslikka, o‘zini hech kimdan ustun qo‘ymaslikka urinadigan kishilarga salomatlik bo‘lsin!

*****

Hammamizda ayblar bor. Agar Alloh taoloning “satr” (to‘sish, yashirish) degan ne’mati bo‘lmaganda, qattiq xijolatlikdan bo‘yinlarimiz egilib qolgan bo‘lardi.

Internet materiallaridan to‘plab, tarjima qiluvchi

 Nozimjon Iminjonov