Kecha, 1 dekabr kuni “Vaqf” xayriya jamoat fondi tomonidan “Muruvvat karvoni” nomli xayriya tadbiri Jizzax viloyatida o‘tkazildi. Xayriya tadbiri doirasidagi 100 nafar kam ta’minlangan oilalarga oziq-ovqat mahsulotlari, 20 nafar jismoniy imkoniyati cheklangan shaxslarga nogironlik aravachalari berildi. Ikki nafar yordamga muxtoj oilalarning uylarini ta’mirlash ishlariga mablag‘lar ajratildi.

Shu kunning o‘zida Fond tomonidan shahar va tuman bosh imom-xatiblari orqali viloyatidagi 171 ta jome masjidga to‘rtta nomdagi diniy-ma’rifiy kitoblar berildi.

Shuningdek, tadbir so‘ngida homiylar tomonidan tadbirda ishtirok etgan yordamga muhtoj oilalar va nogironligi bor shaxslarga Jizzax shaharidagi “Shoxsaroy” tantanalar majmuasida xayriya dasturxoni yozildi.

“Vaqf” fondi xayru ehsonlaringizni o‘z egalariga yetkazishda ochiqlik va xolislikni kafolatlaydi. Mablag‘larni shaffoflik asosida haqdorlarga yetkazilayotganini vaqf.uz sayti orqali kuzatib boring!