ENG BAHIL ODAM KIM?
Shariatimizda baxillik qoralangan bo'lib, yomon odat hisoblanadi. Haqiqiy baxil molu dunyosini qizg'angan kishi emas, balki salom-alikni qizg'angan kishidir. Ba'zi insonlar tabiatida molu davlatni yaxshi ko'rishlik juda kuchli bo'ladi. Uni qizg'anadi asraydi, birovga bersa, ajralib qolishdan, yoki tugab qolishdan cho'chib turadi. Rasulullox sollallohu alayhi vasallamdan "Mo'min baxil bo'ladimi?" deya so'ralganda, "Ha, baxil bo'lishi mumkin", deya javob berganlar.
Ammo molu mulkini qizg'anganidan ham yomonroq baxillik birovga tinchlik tilab salomlashishni qizg'angan kishi hisoblanar ekan. Abu Hurayra roziyalloxu anxudan rivoyat qilingan bir hadisi sharifda, Nabiy sollalloxu alayxi vasallam "Insonlarning eng baxili salom berishga baxillik qilganidir. Savobdan nasibasiz kishi salomga alik olmaganidir. Gar sen bilan birodaring orasiga gina tushib qolsa, sen undan oldin salom berishga qodir bo'lsang, shuni qil", deganlar (Imom Buxoriy).
Bu rivoyatda mashhur sahobiy Abu Hurayrani bizlarga qilgan buyuk nasihatlari kelmokda. Salom berishni o'ziga ep ko'rmagan odam dunyodagi eng baxil odam sifatida baholanar, hattoki boyligini, davlatini qizg'angandan ham yomonroq hisoblanar ekan. Alloh Taolo barchamizni bunday baxillikdan asrasin!
N.Imamov
Honaqoh jome masjidi imom xatibi
“Kyiv Diplomatic”: Qadimiy Buxoro shahri yangi renessans va madaniy tiklanish bosqichini boshdan kechirmoqda
Ukrainaning “Kyiv Diplomatic” jurnali veb-saytida qadimiy Buxoro shahrining zamonaviy madaniy va sayyohlik rivojlanishiga bag‘ishlangan maqola e’lon qilindi, deb xabar bermoqda “Dunyo” AA.
Jurnal yozishicha, AQSHning "The New York Times" nufuzli gazetasi O‘zbekistonning qadimiy shaharlaridan biri - Buxoroga bag‘ishlangan maqola chop etgan. Gazetada Buxoro ming yildan ziyod vaqt davomida Sharq va G‘arbni bog‘lagan Buyuk ipak yo‘lining eng muhim markazlaridan biri bo‘lgani ta’kidlangan.
Jumladan, Ark qal’asi, maqbaralar, madrasalar va moviy gumbazli masjidlardan iborat boy me’moriy merosga alohida e’tibor qaratilib, ularning ko‘pchiligi YUNЕSKOning Butunjahon merosi ro‘yxatiga kiritilgani qayd etilgan.
Jurnalda ta’kidlanishicha, bugungi kunda Buxoro xalqaro madaniy markaz sifatidagi mavqeini yanada mustahkamlamoqda. O‘tgan yili ushbu shaharda o‘tkazilgan zamonaviy san’at biyennalesi, infratuzilmaning rivojlanishi, yangi mehmonxona va restoranlarning ochilishi xorijiy sayyohlar oqimining ortishiga xizmat qilmoqda.
“Kyiv Diplomatic” nashri mintaqaning boy gastronomiyasi, xususan, mashhur Buxoro oshi (osh sofi) va azaliy an’analarni o‘zida mujassam etgan hunarmandchilik mahsulotlari — so‘zana, sopol buyumlar va qo‘l mehnati bilan tayyorlangan qaychilarni alohida e’tirof etgan.
O‘zbekiston musulmonlari idorasi Matbuot xizmati
