Sayt test holatida ishlamoqda!
19 May, 2025   |   21 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:24
Quyosh
05:01
Peshin
12:25
Asr
17:27
Shom
19:42
Xufton
21:12
Bismillah
19 May, 2025, 21 Zulqa`da, 1446
Avvalgi sayt
#search
 YouTube

Hadis ilmi maktabiga qabul imtihonlari boshlandi.

22.11.2018   3751   2 min.
Hadis ilmi maktabiga qabul imtihonlari boshlandi.

Bugun, 22 noyabr kuni O‘zbekiston musulmonlari idorasi tasarrufidagi Hadis ilmi maktabiga hujjat topshirgan abituriyentlar uchun “Hadis va mustalahul hadis”va “Arab tili” fanlari bo‘yicha ijodiy imtihonlar boshlandi.

Qabul imtihoni jarayonlari Imom Buxoriy nomidagi Toshkent islom instituti binosida o‘tkazilmoqda.

Imtihonlar boshlanishidan oldin Qur’on tilovati va duo-i xayrlar qilindi. So‘ngra Hadis ilmi maktabi rektori Olimxon Yusupov kirish so‘zi bilan boshlab, maktabning Prezidentimiz tashabbuslari bilan tashkil etilgani, Hadis maktabining maqsad va vazifalari, talabalarga qo‘yilayotgan yuqori darajadagi talablar haqida tushuntirib berdi.

O‘zbekiston musulmonlari idorasi Ta’lim va kadrlar tayyorlash bo‘limi mudiri Salohiddin Sherhonov Muftiy hazratlarining tabriklarini abituriyentlarga yetkazib, qabul imtihonlarining tartib-qoidalarini tushuntirib berdi.

Shundan so‘ng, O‘zbekiston musulmonlari idorasi qabul hay’ati tomonidan tayyorlangan, maxsus qoplarlardagi imtihon materiallari abituriyentlar va ota-onalar guvohligida ochildi.

Ijodiy imtihonlarga O‘zbekiston halqaro islom akademiyasi va Toshkent islom institutining tajribali pedagog-o‘qituvchilari jalb qilindi.

Abituriyentlarni saralab olishda arab tilini puxta o‘zlashtirgan, hadislarni yod olishga qobiliyati bo‘lgan, Qur’oni karimni yod olganlik kabi mezonlarga alohida e’tibor qaratilmoqda.

Qabul jarayonlari uchun Toshkent islom institutida abituriyentlar va ularning ota-onalari uchun barcha shart-sharoitlar yaratilgan.

Eslatib o‘tamiz, Hadis ilmi maktabiga abituriyentlarni qabul qilish bo‘yicha test sinovlari joriy yilning 23 noyabr kuni Toshkent islom instituti binosida o‘tkaziladi.

O‘MI Matbuot xizmati

 

O'zbekiston yangiliklari
Boshqa maqolalar
Maqolalar

Shu yerda otamni urgan edim

16.05.2025   4106   2 min.
Shu yerda otamni urgan edim

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
 

عَنْ مُسْلِمِ بْنِ عَبْدِ اللهِ الْحَنَفِيِّ قَالَ: بِرَّ وَلَدَكَ فَإِنَّهُ أَجْدَرُ أَنَّ يَبَرَّكَ فَإِنَّ مَنْ شَنَأَ عَقَّهُ وَلَدُهُ

Muslim ibn Abdulloh Hanafiydan rivoyat qilinadi: “Bolangga yaxshilik qil. Shunda u senga yaxshilik qiladi. Kim yomonlik qilsa, bolasi unga oq bo‘ladi”.

Bolang kichikligida sen unga yaxshilik qilib, tarbiyasini va muomalasini yaxshi qilgin, qariganingda u senga yaxshilik qaytaradi. Ammo kim yoshligida farzandiga yomonlik qilib yurgan bo‘lsa, qariganida farzandidan ko‘radi.

Ota-ona o‘zining farzandi oldidagi majburiyat va mas’uliyatini sharaf bilan ado etib qo‘ysa, qariganida albatta qilgan yaxshiliklari bolasidan qaytadi.

Xuddi shu ma’noga o‘xshash yana bir gap bor. Kim yoshligida ota-onasiga yaxshilik qilsa, qariganida unga ham bolasi yaxshilik qiladi. Bu holat aksincha bo‘lishi ham mumkin.

Otamiz rahmatli shu ma’nodagi hikoyani bir necha marta takrorlaganlarining guvohi bo‘lganmiz.

Odamlar yo‘lda ketishayotsa, bir yigit oqsoqol cholni kaltaklayotgan emish. Ular tezlab borib, oqsoqolni ajratib olishibdi va yigitga o‘dag‘aylab, unga zardali savollar bera boshlashibdi. Shunda oqsoqol o‘zidan oqqan qonni arta turib: «Unga tegmanglar. Hamma ayb o‘zimda. Men yigitlik chog‘imda xuddi shu yerda otamni urgan edim», debdi.

Shunday ekan, har bir kishi ota-onasiga ham, farzandiga ham doimo yaxshilik qilish payidan bo‘lishi kerak. Qisqasi, har kimga shariat tomonidan berilgan haqning rioyasini qilish lozim.

«Yaxshilik va silai rahm» kitobi 1-juz.

 

Maqolalar
#logo