Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.
*****
— Robbing kim?
— Alloh.
— Payg‘ambaring kim?
— Muhammad sollallohu alayhi vasallam.
— Dining nima?
— Islom dini.
Ey Alloh! Bizni savol-javob paytida sobit qilgin!
*****
O‘ng tomonga qarab yotish to‘la orom olishga, yurak faoliyati yaxshilanishiga, tushda buzilish bo‘lmasligiga, bomdodga oson turishga sabab bo‘lar ekan. Eng asosiysi — Sunnatga amal qilingani uchun savob olinadi. Nabaviy ko‘rsatmalar baxt-saodat omilidir.
*****
Sabr - hayotning “qulog‘i”ga: “Modomiki, Alloh men bilan birga ekan, hargiz yengilmayman” deb shivirlashingdir.
Xovatir roqiya jurnali”
*****
Ehtimol, zolim zulm bilan ko‘p narsaga ega bo‘lar. Lekin mazlumning duosi bilan hamma narsasidan ajraladi.
“Xovatir roqiya jurnali”
*****
Agar yolg‘iz turganimda nasihat qilsangiz, chindan nasihat qilgan bo‘lasiz. Agar ko‘pchilikning ichida nasihat qilsangiz, sharmanda qilgan bo‘lasiz.
*****
Odam bolasiga ajablanaman:
Molning barchasini to‘playdi. Keyin barchasini dunyoda qoldirib ketadi. Keyin oxiratda barchasi uchun hisobga tortiladi.
*****
Imom Shofeiy rahimahulloh shunday dedilar: «Tavoze’ oliyjanob insonlarning xulqlaridandir. Takabburlik pastkashlarning illatlaridandir. Tavoze’ muhabbatning paydo bo‘lishiga sabab bo‘ladi.
Qanoat rohatning paydo bo‘lishiga sabab bo‘ladi».
*****
Abdurahmon ibn Avf roziyallohu anhu qullari bilan birga ovqatlanardi. Tanimagan odam u kishini qullari orasidan ajrata olmasdi.
*****
Oqila ayol eriga aytadigan har bir gapiga shakar qo‘shib gapiradi.
Oqila ayol eriga aytadigan har bir gapidan tuzni olib tashlab gapiradi.
“Xovatir roqiya jurnali”
*****
Agar bir insonning xulqini bilmoqchi bo‘lsang, rahbarlari bilan qanday muomala qilishiga emas, balki, o‘zidan quyiroqdagilar bilan qanday muomala qilishiga qara!
*****
Kim yaxshi ko‘rganidan xabar olmoqchi bo‘lsa, uning uchun masofalarning hech qanday ahamiyati yo‘q.
“Xovatir roqiya jurnali”
*****
Uch narsa hayotga bo‘lgan qarashingizning o‘zgarishiga sabab bo‘ladi:
- Bemorlik.
- Musofirlik.
- Aziz kishini yo‘qotish.
*****
Usmon ibn Affon roziyallohu anhu dedilar: “Agar qalblarimiz pok bo‘lganda, Robbimizning Kalomiga to‘ymagan bo‘lardik”.
*****
Odamlar haqida hukm qilishga shoshilma! Agar shoshilib hukm qilsang, aziz kishiga zulm qilib, arzon kimsaning qadrini ko‘tarib qo‘yasan.
*****
Insonlarning barchasini rozi qilish yetib bo‘lmas orzudir. Shunday ekan, bor g‘aming Robbingni rozi qilish bo‘lsin!
*****
Bilasizmi...
Janubiy Afrikaning Keyptaun shahrida tabarruotlar (xayr-sadaqalar) bilan to‘la ko‘cha bor. Har qanday muhtoj kishi qiynalmasdan olishi uchun odamlar kiyimlarini va poyabzallarini yo‘l chetiga osib qo‘yishadi.
“Xovatir roqiya jurnali”
*****
— Dada, anavilar axlatchilarmi?
— Yo‘q, bolam. Axlatchilar bizmiz. Ular esa ko‘chalarni biz tashlagan axlatlardan tozalovchilardir.
*****
«Iye, manavining burni puchuq ekan», «Bo‘yni qara, naynov ekanmi», «Mana bu odam pakana ekan»...
Kimning ustidan kulyapsiz?! Maxluqning ustidanmi yoki Xoliqning ustidanmi?!
*****
Bilasizmi...
Agar siz burgutning ko‘zidek ko‘zga ega bo‘lganingizda, o‘n qavatli binoning balandligidagi tomdan turib yerdagi chumolini ko‘rishga qodir bo‘lar edingiz.
“Xovatir roqiya jurnali”
*****
Tananing kasalligi og‘riqlar bilandir. Qalblarning kasalligi gunohlar bilandir. Tana kasal bo‘lgan paytda taomning mazasini sezmaganidek, gunohlardan qoraygan qalb ibodat halovatini sezmaydi.
*****
«Kahf» surasidan olingan ibrat
- Agar kemani teshib qo‘yilmaganda, tortib olingan bo‘lardi.
- Agar bola o‘ldirilmaganda, ota-onasining badbaxt bo‘lishiga sabab bo‘lardi.
- Agar devor ta’mirlab, tiklab qo‘yilmaganda, ikki yetimning haqqi zoye bo‘lardi.
Bas, yaxshilik, xayriyat Alloh taolo ixtiyor qilgan narsadadir!
*****
— Barcha tomonlari berk to‘rt devor orasida bo‘lganimda, rizqim qayerdan kiradi?
— O‘lim farishtasi kiradigan joydan!
*****
Internet materiallaridan to‘plab, tarjima qiluvchi
Nozimjon Iminjonov
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
