“Mavlid” kechasi qanday kecha?
Mavlid – Rasululloh sollallohu alayhi va sallamning tavalludlari, tug‘ilgan joyi va zamoni, Payg‘ambar alayhissalomning tavalludi munosabati bilan o‘tkaziladigan marosimga berilgan nom. Shuningdek, Payg‘ambar alayhissalomning tug‘ilishlariga bag‘ishlangan manzumalar va nasriy asarlar ham mavlud deb ataladi. Shu nuqtayi nazardan, Payg‘ambar alayhissalomning tug‘ilgan kuni “mavlid”, tug‘ilgan oyi “mavlid oyi”, tug‘ilgan kechasi “mavlid kechasi” deb ataladi. Asli “mavlid” bo‘lgan mazkur kalima tilimizda “mavlud” shaklida ham qo‘llaniladi.
“Mavlid” kechasi qanday kecha? U Payg‘ambar sollallohu alayhi va sallam dunyoga kelgan kecha bo‘lib, “Qadr kechasi”, “Me’roj kechasi”, “arafa kechasi”, “juma kecha” kabi muborak kunlar va kechalar sirasida o‘ziga xos ahamiyatli kechadir. Hatto Qadr kechasidan-da e’tiborli kecha deguvchilar ham bor.
Payg‘ambar sollallohu alayhi va sallamning tug‘ilgan kuni qaysi kun ekanini u zotning o‘zlari aytganlar. Xususan, hadisi shariflardan birida u zotdan nega dushanba kuni ro‘za tutishlarining sababini so‘rashganida, “Men dushanba kuni tug‘ildim va Qur’oni karim menga dushanba kuni nozil bo‘ldi”, deb javob berganlari aytiladi...
O‘MI Matbuot xizmati
Diniy ta’lim muassasalariga kirish imtihonlari boshlandi
Ayni kunlarda Namangandagi "Hidoya" o‘rta maxsus islom ta’lim muassasasida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2026-2027 o‘quv yili uchun kirish imtihonlari boshlandi.
Shu munosabat bilan bugun O‘zbekiston musulmonlari idorasi raisi, muftiy Shayx Nuriddin Xoliqnazar hazratlari mazkur diniy ta’lim muassasasida bo‘lib, 2026-2027 o‘quv yili uchun kirish imtihonlari jarayonlari bilan yaqindan tanishdilar.
Muftiy hazratlari abituriyentlar va ularning yaqinlari uchun yaratilgan sharoitlarni ko‘zdan kechirib, sinovlarning ochiqlik, shaffoflik va xolislik tamoyillari asosida o‘tishini ta’minlash bo‘yicha amalga oshirilgan tashkiliy chora-tadbirlarga alohida e’tibor qaratdilar.
Xususan, imtihon zallari to‘liq videokuzatuv tizimlari bilan jihozlangan bo‘lib, ota-onalar kutish maydonchalarida jarayonni onlayn kuzatib bormoqdalar. Savollar xavfsizligi hamda xolis baholash tizimi qat’iy nazoratga olingan.
Muftiy hazratlari imtihon topshirayotgan yoshlarning ota-onalari bilan dildan suhbatlashib, ularning fikr-mulohazalarini tingladilar va abituriyentlar haqiga muvaffaqiyat tilab duo qildilar.
Respublika bo‘yicha imtihonlar hududlar kesimida tasdiqlangan reja-grafik asosida bo‘lib o‘tadi. Kirish test sinovlari o‘tkaziladigan aniq sanalar va imtihon manzillarining to‘liq ro‘yxati bilan ushbu havola orqali tanishishingiz mumkin: https://t.me/qabulmuslimuz.
Imtihon yangiliklarini @qabulmuslimuz telegram kanali orqali kuzatib borishingiz mumkin.
O‘zbekiston musulmonlari idorasi Matbuot xizmati
