Ikki ta’lim muassasasi talabalari uchrashuvi
2018 yilning 17 noyabr kuni Andijon “Sayyid Muhyiddin maxdum” o‘rta maxsus islom bilim yurtida tahsil olayotgan talabalar hamda bilim yurtimizda pedagogik amaliyot o‘tkazayotgan Toshkent islom institutining amaliyotchi talabalari o‘rtasida uchrashuv tashkil qilindi. Uchrashuv bilim yurtining ma’naviy-ma’rifiy tadbirlar o‘tkazish zali mudir o‘rinbosari A.Meliboyev va “Ingliz tili” fani o‘qituvchisi B.Bozorboyevlar boshchiligida o‘tkazildi.
Uchrashuv avvalida bilim yurti ma’naviy-ma’rifiy ishlar bo‘yicha mudir o‘rinbosari A.Meliboyev so‘z olib Toshkent islom instituti talabalari Turg‘unobev Nuriddinjon, Abdurahmonov Muhammadyusuf, Xalilov Shavkatjon, Najmiddinov Baxtiyorjon, Rasulov Boboravshan, muxammatdinov Ag‘zamatdin hamda Nuriddinov Yuldashboylarni tanishtirib o‘tar ekan, ular haqidagi ma’lumotlarni qisqacha tarif asosida yig‘ilganlarga yetkazdi. A.Meliboyev o‘z so‘zida davom etib ushbu oliygoh talabalari 2018 yilning 27 dekabriga qadar bilim yurtimizda amaliyot o‘tkazishlari haqida gapirib, Toshkent instituti talabalarini o‘rta maxsus islom bilim yurtlarida amaliyot o‘tkazishdan maqsadlari va ularga qo‘yiladigan talabalar haqida qisqacha tushuntirib berib o‘tar ekan, bilim yurti talabalariga ushbu amaliyotchilardan unumli foydalanib qolishliklari haqida tavsiya berdi. Shundan so‘ng ikki bilim yurtlari talabalari o‘rtasida ochiq muloqot tarzidagi suhbat davom etdi.
Suhbat davomida amaliyotchi talabalar tomonidan Toshkent islom instituti, ushbu joyda yaratilgan sharoitlar, darslik sifatida o‘qitiladigan adabiyotlar, institut talabalariga qo‘yiladigan talablar haqida tushunchalar berib o‘tildi. Suhbat davomida bilim yurtimiz talabalari o‘zlarini qiziqtirgan savolllarga batafsil javob oldilar.
Bilim yurti ma’naviy-ma’rifiy ishlar bo‘yicha mudir o‘rinbosari
A.Meliboyev
O‘MI Matbuot xizmati
Namangan vakilligi yangi binosi foydalanishga topshirildi
Bugun, 30 iyul kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Namanganga safarlari davomida viloyat vakilligining yangi binosi ochilish marosimida ishtirok etdilar.
Muftiy hazratlari vakillik xodimlari va hududdagi diniy soha vakillarini yangi bino bilan muborakbod etib, bunday zamonaviy sharoitlar va diniy-ma’rifiy sohadagi islohotlar Prezidentimizning sohaga qaratayotgan alohida e’tibori natijasi ekanini ta’kidladilar.
Shuningdek, Shayx hazratlari bugun imom-xatiblar moddiy va ma’naviy qo‘llab-quvvatlanib, vakilliklarga alohida e’tibor qaratilayotgani, 100 nafar Prezident hojisi muborak safarga yuborilganini alohida e’tirof etdilar. So‘ng ushbu e’tibor va imkoniyatlarning qadriga yetib, yanada fidokorlik bilan mehnat qilish zarurligini uqtirdilar.
Tadbirda so‘zga chiqqan senator, “Nuroniy” jamg‘armasi Namangan viloyati bo‘limi raisi Ikromxon Najmiddinov vakillik ahlini yangi bino bilan qutlab, yaratilgan bunday muhtasham sharoitlar Yurtboshimiz tomonidan diniy-ma’rifiy sohada olib borilayotgan ezgu islohotlarning uzviy davomi ekanini alohida ta’kidladi.
Yig‘ilish davomida Diniy idoraning Namangan viloyat vakilligi yangi binosini barpo etishda alohida jonbozlik va fidokorlik ko‘rsatgan mutasaddilar tashakkurnoma bilan taqdirlandi. Shuningdek, Muftiy hazratlari tomonidan viloyat vakilligiga avtomashina sovg‘a qilindi. Ushbu xayrli ishga hissa qo‘shgan mutasaddilar hamda homiylar haqiga duo qilindi.
Safar asnosida Muftiy hazratlari va mehmonlar vakillik xodimlarining munosib faoliyat yuritishi uchun yaratilgan zamonaviy shart-sharoitlar va qulayliklarni ko‘zdan kechirib, amalga oshirilgan bunyodkorlik ishlaridan mamnun bo‘ldilar.
O‘zbekiston musulmonlari idorasi Matbuot xizmati
