Sayt test holatida ishlamoqda!
23 Iyul, 2025   |   28 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:32
Quyosh
05:10
Peshin
12:35
Asr
17:37
Shom
19:53
Xufton
21:23
Bismillah
23 Iyul, 2025, 28 Muharram, 1447
Avvalgi sayt
#search
 YouTube

O'zbekiston musulmonlari idorasi vakili Rossiyaning Ural federal okrugida vatandoshlarimiz bilan qator uchrashuvlar o'tkazdi

14.07.2023   1521   1 min.
O'zbekiston musulmonlari idorasi vakili Rossiyaning Ural federal okrugida vatandoshlarimiz bilan qator uchrashuvlar o'tkazdi

Joriy yil 28 iyun' – 10 iyul' kunlari O'zbekiston musulmonlari idorasi vakili, Toshkent viloyatidagi Zangiota tumanida joylashgan “Abu Bakr Siddiq” jome' masjidi imom-xatibi Nurilla Mavlonov Rossiyaning Ural federal okrugidagi  Sverdlovsk, Chelyabinsk, Kurgan va Tyumen viloyatlari bo'ylab amaliy safari davomida ushbu hududlarda mehnat faoliyatini olib borayotgan hamyurtlarimiz va o'zbekistonlik talabalar bilan uchrashuvlar o'tkazdi, deb xabar qilmoqda “Dunyo” AA muxbiri.

Qurbon hayiti kuni Sverdlovskoy viloyatining  Verxnyaya Pishma shahrida, keyingi ikki juma namozi kunlari Yekaterinburg va Tobol'sk shaharlaridagi jome' masjidlarida o'zbekistonlik diniy ulamoning ma'ruzalari tinglandi.  

Mamlakatimiz Bosh konsulligida Ural tog'-kon universiteti va Ural federal universitetida tahsil olayotgan talabalarimiz bilan ma'naviy-ma'rifiy suhbat ham o'tkazildi.

Safar doirasida Ikkinchi jahon urushi davrida Sverdlovsk viloyatining Nev'yansk shahridagi qurol-aslaha ishlab chiqaruvchi zavodlarida “mehnat armiyasi” safida xizmat qilib, turli sabablar bilan vafot etgan hamyurtlarimizning jamoaviy qabri ziyorat etilib, Qur'on tilovat qilindi. 

O'zbekiston musulmonlari idorasi vakilining Qur'oni karim va Payg'ambarimiz hadislariga asoslangan, Vatanga muhabbat, ota-ona va farzand hamda rafiqaga munosabat borasidagi milliy va diniy ijtimoiy odoblar bilan yo'rg'alangan ma'ruzalari vatandoshlarimizda katta taassurot qoldirdi.

Uchrashuvlar savol-javoblarga boy bo'ldi.

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar
Yangiliklar

Hojilar va imom-xatiblar hamkorligida aholi bilan muloqot o‘tkazildi

21.07.2025   3329   1 min.
Hojilar va imom-xatiblar hamkorligida aholi bilan muloqot o‘tkazildi

Sayyor yig‘ilish

Xabaringiz bor, shu yil hajga borgan yurtdoshlarimiz Arafot vodiysida muhtaram Prezidentimizga Qurbon hayiti tabirigini yo‘llab, yurtga qaytgach har bir hoji «Yangi O‘zbekistonning tinchlik va ma’naviyat targ‘ibotchilari» degan ezgu tashabbusni bir ovozdan olg‘a surgan edilar. 
 

Ana shu ezgu tashabbus bugun amalga ko‘chib, hojilar imom-xatiblar, mahalla faollari bilan birgalikda xonadonlarga, oilalarga kirib boryapti.


Shu yil 17 iyul kuni Toshkent viloyati bosh imom-xatibi Doniyor domla Ikromov boshchiligida O‘rta Chirchiq tumanidagi «Usmon ota» jome masjidida tumanlar/shaharlar bosh imom-xatiblari, «Haj 2025» hojilari, mahalla faollari ishtirokida yig‘ilish bo‘lib o‘tdi.


Tadbirdan so‘ng tumandagi mahallalarga chiqilib, oilalar o‘rganildi. Ajrim yoqasida turgan yoshlar yarashtirildi, spirtli ichimlikka ruju qo‘ygan kishilar bilan yakka tartibda suhbatlar o‘tkazilib, ularga yo‘l-yo‘riqlar ko‘rsatildi, tavsiyalar berildi.


Bunday tadbir qamrovi kengligi bilan alohida ahamiyat kasb etyapti. Gap shundaki, tadbir doirasida bir oila 12 nomdagi turli adabiy-badiiy kitoblar sovg‘a qilindi.


Tumandagi masjidlar imom-xatiblari ham tadbirda faol qatnashdilar.


Shundan so‘ng yana «Usmon ota» masjidiga qaytilib, amalga oshirilgan ishlar ko‘rib chiqilib, kelgusidagi rejalar belgilab olindi.


Xayrli duolar bilan sayyor yig‘ilish nihoyasiga yetdi. 

Toshkent viloyati vakilligi 
Matbuot xizmati

Hojilar va imom-xatiblar hamkorligida aholi bilan muloqot o‘tkazildi Hojilar va imom-xatiblar hamkorligida aholi bilan muloqot o‘tkazildi Hojilar va imom-xatiblar hamkorligida aholi bilan muloqot o‘tkazildi Hojilar va imom-xatiblar hamkorligida aholi bilan muloqot o‘tkazildi Hojilar va imom-xatiblar hamkorligida aholi bilan muloqot o‘tkazildi Hojilar va imom-xatiblar hamkorligida aholi bilan muloqot o‘tkazildi Hojilar va imom-xatiblar hamkorligida aholi bilan muloqot o‘tkazildi Hojilar va imom-xatiblar hamkorligida aholi bilan muloqot o‘tkazildi
O'zbekiston yangiliklari
#logo