Kirib kelgan Mavlid oyi munosabati bilan Checheniston Davlat universitetida fakultetlararo islomiy musobaqa tashkil qilindi. Bu haqda muslimaat.uz nashri xabar berdi.

Musobaqada jami 10 ta fakultetdan 4 tadan ishtirokchi qatnashib, talabalarning Qur’onga va Payg‘ambar alayhissalomning siyratlariga doir, sahobalar hayoti hamda hadislarga oid bilimlari sinab ko‘rildi.

Natijada Tibbiyot instituti talabalari boshqa fakultetlar talabalaridan g‘olib kelib, birinchi o‘rinni qo‘lga kiritishgan.

Quvonarlisi, mazkur Tibbiyot instituti jamoasini yurtimizdan borgan o‘zbek talabalari tashkil qiladi. Ta’kidlash joizki, o‘zbekistonlik 1-kurs talabasi Odil Rahimov Doniyor o‘g‘li 1-o‘rinni oldi. Barcha g‘oliblar faxriy yorliq hamda Mus'haf bilan mukofotlanishgan.

O‘MI Matbuot xizmati