Sayt test holatida ishlamoqda!
19 May, 2025   |   21 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:24
Quyosh
05:01
Peshin
12:25
Asr
17:27
Shom
19:42
Xufton
21:12
Bismillah
19 May, 2025, 21 Zulqa`da, 1446
Avvalgi sayt
#search
 YouTube

O'zbekistonlik ziyoratchilarning haj safari har jihatdan muvaffaqiyatli o'tgani Saudiya OAV diqqat markazida

13.07.2023   1117   3 min.
O'zbekistonlik ziyoratchilarning haj safari har jihatdan muvaffaqiyatli o'tgani Saudiya OAV diqqat markazida

Kecha Saudiya Arabistonining “Swift News” elektron nashri sahifasida “O'zbekiston Respublikasi Din ishlari qo'mitasi raisi bu yilgi haj mavsumi muvaffaqiyatli o'tganini yuqori baholadi” sarlavhali maqola e'lon qilindi, deb  xabar  bermoqda «Dunyo» AA muxbiri. 

Unda 2023 yilgi haj mavsumi har jihatdan muvaffaqiyatli o'tgani, buni joriy yil haj ibodati umidida Madina va Makka shaharlarini ziyorat qilgan musulmon dunyosining bir million sakkiz yuz mingdan ziyod vakillari qatori o'zbekistonlik ziyoratchilar ham alohida e'tirof etishgani ta'kidlangan. 

Maqolada Saudiya Arabistoni podshohligida amalga oshirilayotgan mazkur islohotlarga hamohang ravishda O'zbekistonda ham so'nggi yillarda haj safari bilan bog'liq tashkiliy va xizmat ko'rsatish borasidagi ishlar tubdan takomillashtirilayotgani qayd etilgan. “Jumladan, ilgari bir necha yillar mobaynida haj kvotasi 5200 nafar bo'lgan bo'lsa, 2019 yilga kelib, bu ko'rsatkich 7200 nafarga etdi, 2022 yilda esa 12000 nafarni tashkil etdi. Joriy yilda esa bu ko'rsatkich 15 ming nafardan oshdi. Albatta, kelgusida bundan ham ko'p o'zbekistonliklarni muqaddas haj ziyoratiga jo'natish ustida ishlar olib borilmoqda”, deb yozadi “Swift News”.

Maqolada O'zbekiston Respublikasi Prezidenti Shavkat Mirziyoev tashabbusi bilan respublikaning mavjud 14 hududida haj markazlari tashkil qilinishi va 2030 yilga qadar hajga boradigan fuqarolar soni bosqichma-bosqich 24 ming nafarga etkazilishi, umra safariga boruvchi ziyoratchilar sonini belgilash bo'yicha kvota olib tashlangani natijasida o'tgan bir yil davomida 100 mingga yaqin ziyoratchi umra amallarini ado etgani ham ma'lum qilingan.

“So'nggi yillarda O'zbekiston va Saudiya Arabistoni o'rtasidagi munosabatlarning yangi davri boshlandi. O'zbekiston Respublikasi Prezidenti Shavkat Mirziyoevning 2022 yil avgust oyida ikki Muqaddas Masjid xodimi, Podshoh Salmon bin Abdulaziz Ol Saud taklifiga binoan, davlat tashrifi bilan ushbu mamlakatda bo'lgani hamda Prezident Shavkat Mirziyoev va Saudiya Arabistoni valiahd shahzodasi Muhammad bin Salmon Ol Saud keng qamrovli sheriklik to'g'risidagi Qo'shma bayonotni imzolagani, hukumatlar va vazirliklar o'rtasida 15 ta hujjat qabul qilingani davlatlarimiz o'rtasidagi hamkorlikni sifat jihatdan yangi bosqichga olib chiqdi. O'zaro munosabatlarni rivojlantirish yo'lida ko'plab istiqbolli rejalar amalga oshirilayotgani hisobga olinar ekan, O'zbekiston-Saudiya Arabistoni hamkorligi kelgusida yanada mustahkamlanib boraverishi tayin”, deb yozadi “Swift News” elektron nashri.

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar
Yangiliklar

Bitiruvchi talabalar bilan ish beruvchi tashkilotlar uchrashuvi

14.05.2025   8553   2 min.
Bitiruvchi talabalar bilan ish beruvchi tashkilotlar uchrashuvi

Bugun, 14 may kuni O‘zbekiston xalqaro islomshunoslik akademiyasida “Yoshlar – yangi O‘zbekiston kelajagi bunyodkori” shiori ostida ish beruvchi tashkilot vakillari va talabalar uchrashuvi o‘tkazildi. Unda turli ish beruvchi vazirliklar, tashkilot, korxona va muassasalar qatorida O‘zbekiston musulmonlari idorasi va uning tizimidagi Toshkent islom instituti, “Ko‘kaldosh” o‘rta maxsus islom bilim yurti, Hadis ilmi maktabi mas’ul vakillari ishtirok etdi.


Tadbirni kirish so‘zi bilan ochib bergan O‘zbekiston xalqaro islomshunoslik akademiyasi rektori Muzaffar Komilov diniy-ma’rifiy sohadagi so‘nggi yangiliklar, yoshlar ta’lim-tarbiyasiga berilayotgan e’tibor, oliygoh faoliyati to‘g‘risida so‘zlab berdi.


Uchrashuv davomida 2024-2025-o‘quv yilida O‘zbekiston xalqaro islomshunoslik akademiyasini bakalavr bosqichini 309 nafar, magistratura bosqichini 95 nafar talaba tamomlayotgani aytib o‘tildi.


Hamkor tashkilotlar ko‘lami yil sayin ko‘payib borayotgani, hozirgi kunga qadar Akademiya va tashkilotlar o‘rtasida 100 dan ortiq hamkorlik bo‘yicha memorandum va shartnomalar imzolangani bayon etildi.


Tadbirning amaliy qismida ish beruvchilarning bitiruvchilar bilan suhbatlari tashkil etildi. Mazkur jarayonda 70 ga yaqin davlat va nodavlat tashkilotlari vakillari, jumladan, Din ishlari bo‘yicha qo‘mita, O‘zbekistondagi Islom sivilizatsiyasi markazi, Imom Buxoriy nomidagi Toshkent islom instituti, "Ko‘kaldosh" o‘rta maxsus islom bilim yurti, Hadis ilmi maktabi, O‘zbekiston Fanlar akademiyasi Abu Rayhon Beruniy nomidagi Sharqshunoslik instituti,  O‘zbekiston Fanlar akademiyasi Tarix instituti, Imom Moturidiy xalqaro ilmiy-tadqiqot markazi, O‘zbekiston Milliy arxivi, Alfraganus universiteti va boshqa ko‘plab hamkor tashkilotlar vakillari qatnashdi. 100 dan ziyod talaba bilan mehnat shartnomalari tuzildi.


Tadbirda faollik ko‘rsatgan ish beruvchi tashkilotlar vakillariga Akademiya tomonidan esdalik sovg‘alari, tashakkurnomalar topshirildi. 


O‘zbekiston musulmonlari idorasi

Matbuot xizmati

Bitiruvchi talabalar bilan ish beruvchi tashkilotlar uchrashuvi Bitiruvchi talabalar bilan ish beruvchi tashkilotlar uchrashuvi Bitiruvchi talabalar bilan ish beruvchi tashkilotlar uchrashuvi Bitiruvchi talabalar bilan ish beruvchi tashkilotlar uchrashuvi Bitiruvchi talabalar bilan ish beruvchi tashkilotlar uchrashuvi Bitiruvchi talabalar bilan ish beruvchi tashkilotlar uchrashuvi Bitiruvchi talabalar bilan ish beruvchi tashkilotlar uchrashuvi Bitiruvchi talabalar bilan ish beruvchi tashkilotlar uchrashuvi Bitiruvchi talabalar bilan ish beruvchi tashkilotlar uchrashuvi
#logo