Yaponiyaning turizm sohasini yoritishga ixtisoslashgan «Tabizine»  onlayn jurnalida «Sharq gavhari» deb ataladigan O'zbekiston qanday davlat?» sarlavhali maqola  yapon  tilida  e'lon qilindi, deb  xabar  bermoqda «Dunyo» AA muxbiri.

Nashrda mamlakatimiz tarixi, zamonaviy  rivojlanishi va milliy o'zbek taomlari haqidagi ma'lumotlar qalamga olingan. Maqolada Samarqand, Buxoro, Hiva va Shahrisabz kabi shaharlarimizdagi tarixiy obidalarning suratlari ham  joylashtirilgan.

 Muallif, shunindek, «Uzbekistan Airways» AJning «Toshkent-Tokio-Toshkent» yo'nalishidagi to'g'ridan-to'g'ri aviaqatnovi joriy yilning  14 aprel' kunidan boshlab qayta tiklanganini  ma'lum qilgan.

O'zbekiston musulmonlari idorasi

Matbuot xizmati