Ozarbayjonning ITV telekanali O‘zbekistonning sayyohlik imkoniyatlari, tarixi va madaniyati hamda tarixiy obidalari joylashgan qadimiy Toshkent, Samarqand, Xiva va Buxoro haqida haqida ko‘rsatuvlarni namoyish etdi.
Ko‘rsatuvda o‘zbek xalqi hayoti, madaniyati, san’ati, milliy kiyimlari, milliy taomlari haqida ma’lumotlar berilgan.
Teleko‘rsatuv boshlovchilari islomiy qadamjolar, tarixiy yodgorliklar haqida so‘zlab, ozarbayjonliklarni O‘zbekistonga sayohat qilishga chaqirgan.
ITV (İctimai Televiziya) teleradiokompaniyasi Ozarbayjonning reytingi baland kanali hisoblanadi hamda u milliy tilda namoyish etiladi.
O‘MI Matbuot xizmati
Bugun – chorshanba kuni O‘zbekiston musulmonlari idorasi raisi o‘rinbosari Muhammadolim domla Muhammadsiddiqov Diniy idoraga turli masalalarda kelgan fuqarolarni qabul qildi. Ularning masjidlar faoliyati, sohani rivojlantirish, moddiy yordam kabi masalalarida qilgan murojaatlari tinglandi.
Fuqarolar tomonidan bildirilgan taklif va so‘rovlar atroflicha o‘rganilib, Diniy idora vakolati doirasida tegishlilari bo‘yicha mas’ullarga tez fursatlarda hal etish yuzasidan topshiriqlar berildi.
O‘zbekiston musulmonlari idorasi
Matbuot xizmati