Sayt test holatida ishlamoqda!
25 Dekabr, 2024   |   24 Jumadul soni, 1446
search icon
Avvalgi sayt
ЎЗ РУ EN AR

Toshkent shahri
Tong
06:22
Quyosh
07:47
Peshin
12:28
Asr
15:18
Shom
17:02
Xufton
18:22
Bismillah
25 Dekabr, 2024, 24 Jumadul soni, 1446
Avvalgi sayt
#search
 YouTube

Muftiy hazrat “Al-Aqso” masjidi imomini qabul qildi

24.10.2018   4158   1 min.
Muftiy hazrat “Al-Aqso” masjidi imomini qabul qildi

Kecha, 23 oktyabr kuni Quddus shahridagi “Al-Aqso” masjidi imom-xatibi Yunus Saloh Odil boshchiligidagi delegatsiyani O‘zbekiston musulmonlari idorasi raisi, muftiy Usmonxon Alimov hazratlari qabul qildi.
Uchrashuvda muftiy hazratlari mehmonlarning tashrifi bilan qutlab, mamlakatimizning ushbu muqaddas diyor bilan aloqalari rivojlanib borayotgani haqida so‘zlab berdilar. Masjidul Aqso mo‘min-musulmonlar uchun Makka va Madina shaharlaridagi Masjidul Haromlardan keyingi uchinchi ulug‘ qadamjo hisoblanishi to‘g‘risidagi nodir ma’lumotlarni bayon qildilar.
Yunus Saloh Odil janoblari mana shunday ulug‘ allomalar yetishib chiqqan tabarruk O‘zbekiston zaminini ziyorat qilganidan baxtiyor ekanini izhor qildi. Mehmon safar davomida olgan tassurotlarini o‘z xalqiga so‘zlab berishini va ularni bu diyorlarni ham ziyorat qilishga chorlashini ta’kidladi. O‘z navbatida o‘zbekistonliklarni ham Quddusi sharif ziyoratiga taklif etdi.
Shuningdek, uchrashuvda ziyorat turizmini rivojlantirish va ikki davlat ulamolari hamkorligini yo‘lga qo‘yish borasida fikr-mulohazalar almashildi.

 

 


O‘zbekiston musulmonlari idorasi Matbuot xizmati

Boshqa maqolalar

Allohni zikr qilish kasalliklarga shifo bo‘lishi aniqlandi!

24.12.2024   1224   1 min.
Allohni zikr qilish kasalliklarga shifo bo‘lishi aniqlandi!

Bismillahir Rohmanir Rohiym

Allohni zikr qilish ila qalblar orom olur...

Musulmon mutaxassislarning bir necha o‘rganishlari, tadqiqotlaridan, shuningdek, amerikalik olimlar olib borgan izlanishlaridan ma’lum bo‘lishicha, Alloh taolo haqida fikr yuritish, tafakkur insonning ruhiy iztiroblarini, og‘riq-alamlarini yengillatar ekan. 

Mutaxassislarning ta’kidlashicha, Alloh taologa iymon keltirgan, shifo berishga faqat Alloh taolo qodir ekaniga e’tiqod qilgan odamlar dinni inkor qiluvchi - dahriylarga qaraganda ko‘proq va tezroq shifo topar ekan.

Tadqiqotlarning natijasiga ko‘ra, Alloh taolo haqida tafakkur qilish asnosida miyada sodir bo‘ladigan elektromagnit to‘lqinlarda o‘zgarish yuzaga keladi. Shuning uchun shifokorlar bemorlarga ko‘proq zikr qilib, duoga mashg‘ul bo‘lishni tavsiya qilishadi. Bu narsa bemorning shifo topishida, xususan, surunkali kasallarda katta yordam beradi. 

Shuningdek, tadqiqotchilar Allohni zikr qilgan inson organizmida muayyan gormonlar ajralib chiqib, yurak faoliyatiga hamda umuman odamning ruhiy holatiga ijobiy ta’sir qilishini ham ta’kidlashgan. 

Subhanalloh... ​O‘zini zikr qilishni buyurgan va O‘zining zikrini qalbga rohat va xotirjamlik etib qo‘ygan Zot barcha aybu nuqsonlardan pokdir! 

«Ular iymon keltirgan va qalblari Allohni zikr qilish ila orom oladigan zotlardir. Ogoh bo‘lingizkim, Allohni zikr qilish ila qalblar orom olur» (Ra’d surasi, 28-oyat).