Bugun, 18 oktyabr kuni Makka shahrida o‘tayotgan Islom olami uyushmasi Oliy kengashining 43-sessiyasida dastlabki notiqlar qatorida O‘zbekiston musulmonlari idorasi raisi, muftiy Usmonxon Alimov hazratlari nutq so‘zladilar.

U kishi o‘z nutqlarida musulmonlar o‘rtasida birdamlik, hamjihatlikni kuchaytirish, o‘zaro ahillikka erishish, turli ixtilof va firqachilikka barham berish kerakligi, sessiyaning qabul qilinadigan qarorlarida musulmonlarning umummanfaatini nazarda tutish maqsadga muvofiq bo‘lishi borasida to‘xtalib o‘tib, bu ishlar ayniqsa bugungi kunda davr talabi ekanini ta’kidladilar.

Shuningdek, O‘zbekistonda olib borilayotgan din sohasidagi islohotlar haqida gapirib berdilar.

Anjuman ishtirokchilari muftiy hazratlarining nutqlarini diqqat bilan tinglab, mazkur nutqdan ta’sirlanganliklarini, hazratning aytgan so‘zlari ularda katta taassurot qoldirganini bayon etdilar.

Anjumanda muhokama qilinayotgan masalalar haqida saytimizda batafsil yoritib boramiz. 

O‘zbekiston musulmonlari idorasi Matbuot xizmati