O‘zbekiston «Islom mamlakatlarining standartlar Ustavi»ni ratifikatsiya qildi

O‘zbekiston Respublikasi Oliy Majlisi Senati a’zolari 27 sentyabr kuni bo‘lib o‘tgan navbatdagi yalpi majlisda 3 ta xalqaro shartnomani ratifikatsiya qilish haqidagi qonunni ko‘rib chiqdilar.

Xususan, “Islom mamlakatlarining standartlar va metrologiya instituti Ustavi va Tartib-qoidalarini (Istanbul, 1999 yil 7 noyabr, 2017 yil 7 may holatidagi o‘zgartirishlar bilan) ratifikatsiya qilish to‘g‘risida”gi, “Islom hamkorlik tashkiloti Ustaviga kiritilgan tuzatishni (Abidjan, 2017 yil 10-11 iyul) ratifikatsiya qilish to‘g‘risida”gi, “Parij bitimini (Parij, 2015 yil 12 dekabr) ratifikatsiya qilish to‘g‘risida”gi O‘zbekiston Respublikasi xalqaro shartnomalarini ratifikatsiya qilish to‘g‘risidagi qonunlari senatorlar tomonidan ma’qullandi.

Prezident Shavkat Mirziyoyev Agraga bordi

O‘zbekiston Respublikasi Prezidenti Shavkat Mirziyoyev Hindiston Respublikasi Prezidenti Ram Nath Kovindning taklifiga binoan 30 sentyabr kuni davlat tashrifi bilan ushbu mamlakatga keldi. 

Davlatimiz rahbari dastlab Agra shahriga tashrif buyurdi. O‘zbekiston delegatsiyasi aeroportda tantanali kutib olindi.

Prezidentimiz bu yerda jahonga mashhur Toj mahal obidasini borib ko‘radi.

Andijonda "Eng ma’rifatli imom" tanlovi o‘tkazildi

O‘zbekiston musulmonlari idorasining 2018 yil 10 sentyabrdagi 01A/092-sonli buyrug‘iga asosan Andijon viloyati imom xatiblar va imom noiblari o‘rtasida “Eng ma’rifatli imom” ko‘rik tanlovining shahar va tuman bosqichi bo‘lib o‘tdi.

Hakamlar hay’atining yakuni xulosasiga ko‘ra Andijon viloyatidagi barcha shahar va tumanlaridan har biridan bittadan g‘olib aniqlandi va “Eng ma’rifatli imom” ko‘rik tanlovining Andijon viloyat bosqichiga yo‘llanmani qo‘lga kiritdilar.

Ushbu ko‘rik tanlovda viloyat bo‘yicha jami 181 nafar imom xatib va 62 nafar imom noiblari o‘zaro bellashdilar. 

Madinadagi Qur’on musobaqasida ishtirok etuvchi qorilarimiz safarga otlandi

3 oktyabr kuni, soat 08:20da qorilarimiz Madina shahrida bo‘lib o‘tadigan nufuzli xalqaro musobaqada ishtirok etish uchun jo‘nab ketdilar. Ushbu musobaqa Muhammad sollallohu alayhi va sallamning masjidlarida 40 yildan beri ilk bor o‘tkazilmoqda. Ushbu nufuzli musobaqada yurtimizdan ikki nafar ishtirokchi va bir nafar baholovchi hakam ishtirok etadi.

- Toshkent Islom instituti «Tahfizul-Qur’on» kafedrasi mudiri katta ustoz Jahongir qori Ne’matov (baholovchi hakam);

- Toshkent Islom instituti talabasi, «O‘zbekiston Qur’on musobaqasi 2018» mutlaq g‘olibi Yo‘ldoshbek qori Nuriddinov (30 porani yoddan o‘qish yo‘nalishi ishtirokchisi);

- Ko‘kaldosh o‘rta maxsus Islom bilim yurti talabasi Abdurrahmon qori So‘fiyev (15 porani yoddan o‘qish yo‘nalishi ishtirokchisi).

Taniqli ulamo Abdurazzoq hoji Yunusov vafot etdi

4-oktyabr kuni, yurtimiz musulmonlari ulkan musibatga, og‘ir judolikka uchradi. Ko‘p yillardan beri nafaqat yurtimiz, balki qo‘shni mamlakatlarga ham sermahsul xizmatlari bilan tanilgan, muhtaram ustoz, taniqli ulamo Abdurazzoq hoji Yunusov tabarruk 70 yoshda vafot etdi.

Surxondaryoda yirik islomiy tadqiqot markazi qurilmoqda

Prezidentimizning 2017 yil 14 fevraldagi “Imom Termiziy xalqaro ilmiy tadqiqot markazini tashkil etish chora-tadbirlari to‘g‘risida”gi qaroriga binoan Termiz shahrida Imom at-Termiziy nomidagi ilmiy tadqiqot markazi, 2500 o‘ringa mo‘ljallangan masjid, 138 o‘rinli mehmonxona hamda otalar choyxonasi, shuningdek,imomlar uchun 5 ta ikki qavatli turar joylar va boshqa bir necha xizmat ko‘rsatish inshootlari bunyod etilmoqda. Bu haqda "Xalq so‘zi" nashri xabar berdi.

"Turizm Ipak yo‘lida” xalqaro turizm yarmarkasi o‘tkazilmoqda

Jahon xalqaro maydonlarida O‘zbekiston Respublikasining turistik salohiyatini keng targ‘ib qilish maqsadida, Toshkent shahrida 2018 yil 3-5 oktyabr kunlari o‘tkazilayotgan “Turizm Ipak yo‘lida” 24-Toshkent xalqaro turizm yarmarkasida Toshkent shahrining turistik salohiyatini keng targ‘ib qilish va jahon maydonida munosib ishtirok etish uchun «Tashkent City» stendi bilan Toshkent shahar xokimiyati ishtirok etmoqda. 

Madinada o‘ttiz yilda yozilgan Qur’on namoyish etildi

Madinadagi Muqaddas Qur’on muzeyida Qur’oni karimning ajoyib nusxasi namoyish etildi. Bu haqda IslamTodayga tayanib Azon internet nashri xabar berdi.

Pokiston Islom Respublikasidan olib kelingan bu Qur’on kitobining o‘ziga xosligi shundaki, u tamomila matoga tikib yozilgan. Kitobni 1987 yilda pokistonlik Nasim Axtar “yoza” boshlagan va ishni joriy yildagina tamomlay oldi.

O‘MI Matbuot xizmati