Jahon xalqaro maydonlarida O‘zbekiston Respublikasining turistik salohiyatini keng targ‘ib qilish maqsadida, Toshkent shahrida 2018 yil 3-5 oktyabr kunlari o‘tkazilayotgan “Turizm Ipak yo‘lida” 24-Toshkent xalqaro turizm yarmarkasida Toshkent shahrining turistik salohiyatini keng targ‘ib qilish va jahon maydonida munosib ishtirok etish uchun «Tashkent City» stendi bilan Toshkent shahar xokimiyati ishtirok etmoqda. Bu haqda Toshkent shahar hokimligi Matbuot xizmati xabar berdi.

“O‘zekspomarkaz”ning milliy pavilonida «Tashkent City» stendi uchun 100 kv.m maydon ajratilgan. Maydonning o‘ng tomonida joylashtirilgan monitorda “Welcome to Tashkent”, ”Invest in Tashkent”, ”Tashkent Sity”,”Chorsu”,”Fargona yoli” investitsion loyihalarining videoroligi muntazam aylanib turibdi. Bundan tashqari kichik monitorlarda Toshkent shahrining madaniy meros obektlari va ko‘zga ko‘ringan joylardan 360 gradusli burchak ostida tayyorlangan video ketma-ketlik va “Uzbekistan Pass” milliy turistik hizmatning yangi loyihalari prezintatsiya ko‘rinishida namoyish etilmoqda.

Ushbu yarmarkada Toshkent shahri va respublikamizning barcha viloyatlari, hamda xorijiy mamlakatlar jumladan, Indiya, Indoneziya, Misr, Turkiya, Xitoy, J.Koreya, Tailand, Ukraina, Qozog‘iston va O‘zbekinvest Hayot, Kasaba uyushmasi, Sog‘liqni saqlash vazirligi, UXY MAK, O‘zbekiston temir yo‘llari, O‘zvinsanoat Xolding, Madaniyat vazirligi, Wyndham Hotel, Lotte City Palace, Hyatt Regency Hotel, Raddison BLU Hotel, Golden Dragon, Asaka Bank, O‘zbekiston milliy banki, Trust bank, Uzbektour, HD Project, Air Astana, Astra, Mehrigiyo, City Palace, Scat, Art Hotel, Ishonch, Sixt, Visit Alay, Ittifoq, Astraxan, Abda Travel, MDIS Tashkent o‘z stendlari bilan ishtirok etishmoqda.

O‘MI Matbuot xizmati