Nishonga urilgan gaplar – 1
Quyida keltiriladigan fikrlar ijtimoiy tarmoqlardagi “Tarix muxrlagan so‘zlar” sahifasidan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarning bir qator fikrlari ham berilgan.
Bolakay usti sochiq bilan yopilgan idishda nimadir olib ketayotgan edi. Yoshi kattaroq kishi undan «Idishda nima olib ketyapsan?» deb so‘radi. Shunda bola «Agar idishda nima borligini boshqalar ham bilishi kerak bo‘lganida, ustini sochiq bilan berkitib olmagan bo‘lardim» dedi.
Allohdan boshqa hech kim komillik sifati bilan ajralib turmaydi (ya’ni komillik sifatiga ega emas). Shuning uchun boshqalarning ayblarini qidirishdan tiyiling!
«Tarix muxrlagan so‘zlar»
Muvaffaqiyatsizlik - doim o‘tirvolib, muvaffaqiyat o‘zi kelishini kutadiganlarga yetadi.
Ibrohim Fiqiy
Agar senda bitta olma, menda ham bitta olma bo‘lsa, ularni o‘zaro almashsak, olma senda ham, menda ham bittaligicha qoladi. Lekin senda bitta fikr, menda bitta fikr bo‘lsa, ularni o‘zaro almashsak, senda ham, menda ham ikkitadan fikr yuzaga keladi.
Jorj Bernard Shou
Davomi bor...
Internet materiallaridan to‘plab, tarjima qiluvchi
Nozimjon Iminjonov
O‘zbekiston musulmonlari idorasida navbatdagi “Fuqarolar qabuli” bo‘lib o‘tdi
Har haftaning chorshanba kuni O‘zbekiston musulmonlari idorasida an’anaviy tarzda tashkil etiladigan fuqarolar qabuli bu safar ham aholi vakillarining murojaatlarini o‘rganish, muammolarga yechim topishga qaratildi.
Joriy haftadagi qabulda O‘zbekiston musulmonlari idorasi raisi o‘rinbosari Muhammadolim domla Muhammadsiddiqov poytaxtimizdan hamda yurtimizning turli shahar va tumanlaridan tashrif buyurgan fuqarolarning shaxsiy va jamoaviy masalalari, taklif va mulohazalarini tingladi.
- - Aholi vakillari tomonidan turli masalalar bo‘yicha shar’iy hukmlar, ularning amaliy tatbiqlari yuzasidan savollar berildi;
- - Nikoh, oilaviy munosabatlar, farzand tarbiyasi kabi mavzulardagi murojaatlar ko‘rib chiqildi;
- - Ayrim ehtiyojmand fuqarolar tomonidan tushgan moddiy ko‘mak so‘rovlari tegishli tartibda ko‘rib chiqilishi belgilandi;
- - Sohani yanada rivojlantirish, masjidlarni obod qilish, yoshlar o‘rtasida ilmiy-ma’rifiy targ‘ibotlarni kuchaytirish kabi bir qator konstruktiv takliflar bildirildi.
Qabul yakunida mas’ullarga aniq topshiriqlar berilib, fuqarolar murojaatlarini tezkor va adolatli hal etish bo‘yicha choralar belgilandi. Shu bilan birga, fuqarolar bilan bevosita muloqot qilish, ularning fikrlarini eshitish va islohotlarga jamoatchilikni faol jalb etish borasidagi ishlar doimiy e’tiborda ekani ta’kidlandi.
O‘zbekiston musulmonlari idorasi
Matbuot xizmati
