Birovning haqqi
Bir kuni hazrati Ali Fotimani tushlarida ko‘rsalar, u jannat eshigida turganmish. Hazrati Ali:-«Ey Fotima, nega jannatga kirmay turibsan?»-deb so‘radilar.
Fotimai Zahro onamiz dedilar; -«Qandoq kiray hali jannatga ruxsat yo‘q: sababi-bir kishining haqi bo‘ynimda ekan. Yo Ali, qo‘shni xotindan tikish uchun bir ignani so‘rab olgan edim, qaytarib berishni unutibman. O‘sha ignani tezda egasiga qaytarib bering –o‘shandagina men jannatga kiraman». Yana bir tush ko‘rdilar-qarasalar,Fotima roziyallohu anho onamiz jannatda bir baland taxt ustida o‘tiribdilar. Oldilarida hurlar saf-saf bo‘lib, qo‘l qovushtirib turgan ekanlar.
Qaranglar azizlarim bir tasavvur qilaylik Fotima roziyallohu anho onamizday zot Payg‘ambarimiz sollallohu alayhi vasallamning qizlari bitta igna uchun qanchalik tashvishda, edilar. Bir o‘zimizning holatimizga e’tibor beraylik, tez boyishlik uchun va yoki maqsadlarimizga erishishlik uchun yor-u birodarlarimizdan aka-ukalarimizdan tog‘alarimizdan yoki eng yaqin do‘stlarimizdan, biror narsa olyabmiz-u lekin qaytarib berishga kelganda dunyo ko‘zimizga ko‘rinib ketmoqda, alal oqibat Alloh bog‘lagan silai rahm arqonini uzilishiga sabab bo‘lmoqda. Alloh barchalarimizni birovning haqiga hiyonat qilishdan saqlasin omin.
«Yunusobod» jome masjidi imom-xatibi U. Usmonov
O‘MI Matbuot xizmati
Navoiyda diniy nashrlar targ‘ibotchilariga tashakkurnomalar topshirildi
Bismillahir Rohmanir Rohiym
Bugun O‘zbekiston musulmonlari idorasining «Hidoyat» va «Mo‘minalar» jurnallari hamda «Islom nuri» gazetasiga 2026 yil uchun obuna mavsumida faol ishtirok etib, nashrlarni xalqimiz orasida keng targ‘ib qilishga munosib hissa qo‘shgan imom-xatiblar va mas’ullarni taqdirlash marosimi bo‘lib o‘tdi.
Tadbirda Navoiy viloyati bosh imom-xatibi Temurxon domla Atoyev, shuningdek, O‘zbekiston musulmonlari idorasi huzuridagi «Shamsuddinxon Boboxonov» nashriyot-matbaa ijodiy uyi vakillari — Davriy nashrlar bo‘limi boshlig‘i Ibrohim Inomov hamda bosh muharrir Abdujalil Ho‘jamov ishtirok etdilar.
Tadbir davomida diniy-ma’rifiy nashrlarning bugungi kundagi o‘rni va ahamiyati, ularni keng ommaga yetkazishda imom-xatiblar hamda mas’ullarning vazifalari haqida atroflicha fikr yuritildi.
Tadbir yakunida obuna jarayonlarida faol ishtirok etgan bir guruh imom-xatiblar va mas’ullarga tashakkurnomalar hamda esdalik sovg‘alari topshirildi.
