Avval, Qirg‘izistonning Bishkek shahrida «Ma’naviy ipak yo‘li: Buyuk insoniy qadriyatlar va zamonaviy tahdidlar» nomli xalqaro anjuman boshlangani haqida ma’lumot bergan edik.
Kuni kecha, 12 sentyabr kuni O‘zbekiston musulmonlari idorasi raisi, muftiy Usmonxon Alimov hazratlari boshchiliklaridagi delegatsiya Qirg‘izistonga xizmat safarini boshladi.
Muftiy hazrat dastlab anjuman dasturidan o‘rin olgan Bishkek shahridagi «Abu Bakr Siddiq Musaxon to‘ra» jome masjidining ochilishi marosimida tabrik so‘zlari bilan ishtirok etdilar.
Tadbirda Rossiya muftiylar kengashi raisi o‘rinbosari Damir Hazrat, Qozog‘iston Bosh muftiysi Serikbay hoji O‘raz, Qirg‘iziston bosh muftiysi Maksatbek Toktomushev, Tojikiston muftiysi Saidmukarram Abduqodirzoda, Litva muftiysi Yakubauskas Romas va boshqa mehmonlar qatnashdi.
Mehmonlar ushbu masjidda asr namozi ado etdilar.

O‘zbekiston musulmonlari idorasi Matbuot xizmati