Birlashgan Arab amirliklari aholisi 2017 yilda xorijiy mamlakatlarda halol turizm sohasida 17,6 milliard AQSH dollari sarflagan. Bu haqda Dubay savdo-sanoat palatasi hisobotida aytilgan.

Mazkur ko‘rsatkich Mastercard to‘lov tizimi hamda Turizm va sayohat bo‘yicha butujahon kengashi ma’lumotlariga asoslanganligi ma’lum qilingan.

BAA aholisi halol turizmga eng ko‘p pul sarflagan sayyohlar bo‘lib, ulardan keyingi o‘rinni Saudiya Arabistoni ($16 mlrd), Quvayt davlati aholisi ($10,5 mlrd) egalladi.

Qayd etilishicha, ayni paytda halol turizm hajmi 181 milliard AQSH dollariga teng va bu miqdor 2020 yilga borib 221 milliard AQSH dollariga yetishi aytilmoqda. O‘z navbatida musulmon sayyohlar soni ham 131 milliondan 156 million nafarga yetishi kutilmoqda.

Avvalroq, portalimizda 2017 yilda O‘zbekiston butunjahon halol turizmi yo‘nalishlari orasida o‘tkazilgan reytingda 28 o‘rinni egallaganligi haqida xabar bergan edik.

O‘MI Matbuot xizmati