2018 yilning 5 sentyabr kuni Pekin islom uyushmasi raisi o‘rinbosari Lyu Ketsze boshchiligidagi delegatsiya O‘zbekiston musulmonlari idorasiga tashrif buyurdi. Mehmonlarni Diniy idora raisi, muftiy U.Alimov boshchiligidagi bir guruh mutasaddilar kutib olib, o‘zaro hamkorlik qilish borasida fikr-mulohazalar almashdilar.

Muftiy Usmonxon Alimov hazratlari mehmonlarni tashrif bilan qutlab, muhtaram Prezidentimiz tashabbuslari bilan diniy-ma’rifiy sohani rivojlantirish va Islom ma’rifatini keng yoyish borasida qilinayotgan ishlar haqida gapirib berdi. Shuningdek, Diniy idora faoliyati, diniy ta’lim muassasalari, Imom Buxoriy va Imom Termiziy xalqaro ilmiy-tadqiqot markazlari, joylardagi kalom, hadis, fiqh, aqida, tasavvuf ilmiy maktablari faoliyati haqida so‘zlab berdi.

Pekin islom uyushmasi raisi o‘rinbosari Lyu Ketsze samimiy qabul uchun minnatdorlik bildirib, delegatsiya tarkibi bilan tanishtirdi.

• Lyu Ketsze – Pekin islom uyushmasi raisi o‘rinbosari;
• Van Chun Gen – Pekin islom uyushmasi raisi o‘rinbosari;
• Yan Guanszyun – Pekin islom uyushmasi raisi o‘rinbosari;
• Dan Szifen – Musulmonlarni dafn marosimlarini o‘tkazish bo‘yicha Pekin boshqaruv bo‘limi direktori;
• Ma Shi You – Din ishlari bo‘yicha kanselariya mudiri;
• Van Szin – Pekin islom uyushmasi raisi o‘rinbosari;
• Lyu Yin Si – Pekin islom uyushmasining Bosh kotibi;
• Sha Li – Pekin islom uyushmasi raisi o‘rinbosari;

– Avvalo barchangizga Pekin islom uyushmasi delegatsiyasini O‘zbekistonga taklif qilib, amaliy yordam berganingiz uchun minnatdorchilik bildiramiz.

Biz Sizlardan Davlat va Din munosabatlaringizdagi tajribangizni o‘rganmoqchimiz. Pekinda 300 mingdan ortq musulmon yashaydi. Bu musulmonlar 10 xil mayda millatlarga bo‘lingan.

Xitoyda 156 xil millat istiqomat qiladi. Bulardan 10 tasi musulmon bo‘lib, 20 million inson islom diniga e’tiqod qiladi.

Pekinda 70 ta masjid va 150 ta imom bor.

Pekin islom uyushmasi asotsiatsiyasining joylarda 10 ta filiali mavjud. Ushbu uyushma musulmonlarga ko‘maklashib, davlatga diniy masalalarda yordam berib keladi.

Pekin islom uyushmasiinig bir necha bo‘limlari mavjud. Ular: Xalqaro aloqalar bo‘limi, Madaniy ishlar bo‘yicha bo‘lim, Ta’lim va xayriya bo‘limlari.

Pekin islom uyushmasi nazorati ostida Qur’oni Karim tilovti musobaqalari o‘tkazilib kelinadi.

Xitoydan yiliga 14 ming nafar musulmon haj safariga boradi. Haj ishlarini tashkil qilishda Xitoy islom uyushmasining alohida o‘rni mavjud.

Pekin islom uyushmasining xayriya bo‘limi musulmon va nomusulmon insonlarga moddiy yordam berish bilan shug‘ullanadi.

Ma’lumki, O‘zbekiston va Xitoy xalqlari azaldan ijtimoiy-madaniy, savdo-sotiq masalalarida hamkorlik qilib kelishgan. Buyuk ipak yo‘li orqali ikki mamlakat o‘rtasida amalga oshirilgan ijobiy aloqalar asrlar osha bizni bog‘lab kelmoqda. Hozirda davlatlarimiz o‘rtasidagi aloqalarni rivojlanib borayotgani – bizni yanada yaqinlashtirmoqda.

U o‘z so‘zida davom etib, “O‘zbekistondagi Islom bilan bog‘liq vaziyatlarni o‘rganib, bu boradagi vasatiylik (o‘rta yo‘l)ni targ‘ib qilishdagi o‘zimizga tajriba olmoqchimiz. O‘zbekistonda boshqa din vakillari ham mavjud. Bunda ahil inoq, diniy bag‘rikenglikni qanday yo‘lga qo‘ygansizlar?”, deb savol berdi.

Muftiy Usmonxon Alimov hazratlari: “O‘zbekistonda 16 ta konfessiya davlat ro‘yxatidan o‘tgan. Biz boshqa din vakillari bilan o‘zaro bayramlarda bir-birimizni muborakbod etamiz. Bizni islomiy bayramlarimizda ular Diniy idoraga kelib bizlarni tabriklaydi. Albatta Islom dini bag‘rikeng din” dedi.

Biz bir mazhab vakillarimiz, duch kelishimiz mumkin bo‘lgan muammolarimiz ham o‘xshash, shuning uchun biz doim O‘zbekiston musulmonlari idorasi bilan hamkorlikka tayyor ekanimizni bildirmoqchiman. O‘z navbatida O‘zbekiston musulmonlari idorasi ulamolaridan iborat delegatsiyani Xitoy davlatiga taklif etaman va keng qamrovli aloqalarni boshlash har tomonlama manfaatli bo‘lishini bildiraman. So‘zimning yakunida bugungi samimiy qabul uchun barchangizga o‘z minnatdorligimni izhor qilaman.

Tomonlar bir-birlariga estalik sovg‘alar ulashdi.

Uchrashuv do‘stona va samimiy ruhda o‘tdi.

O‘MI matbuot xizmati