Saudiya Arabistoni hukumati Haj amalini bajargan hojilarga ikki million nusxadagi Qur'on kitoblarini sovg'a qildi

IQNA saytining "Sayidatiy" matbuot xizmatiga tayanib ma'lum qilishicha, ushbu Qur'on kitoblari Saudiya Arabistoni podshohi Salmon bin Abdulaziz Ol Saudning buyrug'ini bajarish uchun Saudiya Arabistoni Islom ishlari vazirligi sa'yi-harakatlari bilan ziyoratchilarga tarqatilgan.

Ushbu Qur'on nusxalari Saudiya Arabistoni Qiroli Fahd bin Abdulaziz nomidagi Qur'on kitoblarini chop etish majmuasidan olingan bo'lib, ziyoratchilarga turli o'lchamlarda va 76 dan ortiq tillarga tarjima qilingan Quroni karimning ma'nolari tarjimasi kitoblari sovg'a sifatida taqdim etildi.

Qirol Abdulaziz xalqaro aeroporti, Islomiy Jidda porti, quruqlik va havo chegarasi o'tish joylari bu Qur'on tarqatiladigan joylardandir.

Saudiya Arabistoni Islom ishlari vaziri Abdul Latif bin Abdulaziz ash-Shayx shu munosabat bilan bunday dedi: “Ushbu Qur'on kitoblarining tarqatilishi Saudiya Arabistoni hukumati va bu mamlakat podshohining Qur'on xizmatiga sodiqligini ko'rsatadi".

O'zbekiston musulmonlari idorasi
Matbuot xizmati