Joriy yilning 5 sentyabr kuni O‘zbekiston musulmonlari idorasi tasarrufidagi Toshkent islom instituti va o‘rta maxsus islom bilim yurtlarida yangi 2018–2019 o‘quv yili boshlandi.

Yangi o‘quv yilining birinchi darsi O‘zbekiston Respublikasining istiqloliga bag‘ishlangan “Mustaqillik darsi” bilan boshlandi. Mustaqillik darsida mamlakatimizning istiqlolga erishish jarayonlari, mastabid tuzumdan mustaqillikka erishish davri, bunda xalqimizning jasorati va matonati haqida so‘z yuritildi. Yurtimizni sobiq mustabid tuzum qaramligidan ozod qilib, uni zamonaviy asosda taraqqiy ettirish strategiyasining ahamiyati va roli haqida so‘zlandi.

Xalqimiz o‘zining mustaqillik yillarida erishgan barcha yutuq va marralari xalqimiz matonatining xizmati yuqori ekanini ta’kidladilar.

Muxtasar qilib aytganda, O‘zbek davlati va davlatchiligini barpo qilish, demokratik fuqarolik jamiyati qurish asoslarini yaratish, mamlakatimiz taraqqiyotining asosiy yo‘nalishlarini ishlab chiqish, yurtimizning yorug‘ istiqboli yo‘lida ko‘pmillatli xalqimizni birlashtirish, uni ulug‘ maqsadlar sari boshlab borish haqida to‘xtalib o‘tildi. Bundan tashqari, tashrif buyurgan mehmonlar bugungi kunda yurtimizda hukm surayotgan tinchlik-xotirjamlikni qadriga yetish, yangi o‘quv yilida yangi marralarga erishish, ilm olishda shijoat bilan harakat qilish lozimligi haqida so‘zlab, pand-nasihatlar qildilar.

Shundan so‘ng, Qur’oni karim tilovati hamda duoi fotiha qilindi.

O‘MI Matbuot xizmati