29 avgust kuni Shimoliy Qozog‘iston viloyatining ma’muriy markazi hisoblanuvchi Petropavlovsk shahrida yangi masjid foydalanishga topshirildi. Bu haqda Qozog‘iston musulmonlari idorasiga tayanib Azan internet nashri xabar bermoqda.

Masjidning ochilish marosimida Qozog‘iston muftiysi Serikbay O‘raz, viloyat hokimi Kumar Aqsaqalov hamda Qozog‘iston parlamenti deputatlari ishtirok etgan.

Shaharning shimoliy qismida joylashgan yangi masjidda bir paytning o‘zida 500 kishi namoz o‘qiy oladi. Binoning umumiy maydoni 2793 metr kvadratdan iborat bo‘lib, har birining balandligi 42 metrga teng to‘rtta minorasi bor.

O‘MI matbuot xizmati