Bugun islom olamida katta bayram! Subhisodiqdan, yulduzlar samoni tark etmay turib O‘zbekiston bo‘ylab barcha jome masjidlari tomon Qurbon hayiti namozini ado etish uchun samimiy va ezgu niyatlar ila yoshu qara qadam bosib keldi. Yig‘ilganlarning yuzida tabassum, iliqlik va shukronalik kayfiyati ufurib turibi. Minbarda imom-domlalar amru ma’ruf hamda duolar qilishib, Yaratgandan  el-yurt haqqiga tinchlik, sog‘lik, farovonlik va yuksak taraqqiyot so‘rashmoqda! Xazrati imom majmuasida ham mana shunday go‘zal manzaraning guvohi bo‘lishingiz mumkin! Namozdan so‘ng bir-birlarini quchib muborakbod etayotgan tanishu-notanishlarning ko‘tarinki kayfiyatlarini ko‘rib tilingizdan bexos bunday ulug‘, tinch va osuda bayramlar uchun shukrona kalimalari keltirilsa neajab!

O‘MI matbuot xizmati