Bu yilgi haj mavsumida ikki million ziyoratchi qatnashmoqda
Islom hamkorlik tashkiloti Bosh kotibi Husayn Ibrohim Toha bu yilgi haj mavsumida “Korona” pandemiyasidan oldingi kabi 57 ta islom davlatlaridan ikki million ziyoratchi kelishini tasdiqladi.
Husayn Toha “ash-Sharq al-Avsat” gazetasiga bergan interv'yusida Saudiya Arabistoni bu yil ziyoratchilarni qabul qilishga tayyorligi doirasida katta sa'y-harakatlarni amalga oshirayotganini ta'kidladi. Haj va Umra vazirligi ziyoratchilar soni o'rtasida kerakli muvozanatni yaratish, ziyoratchilar va muqaddas qadamjolar salohiyati, u erda amalga oshirilayotgan yirik obodonlashtirish loyihalari orqali yaxlit strategik reja doirasida ko'proq ziyoratchilarni qabul qila oladigan infratuzilmani barpo etish ustida ish olib borayotganini qo'shimcha qildi.
Uning aytishicha, “Makka yo'li” tashabbus ochiqdan ochiq bo'lib, u “Nigoh-2030” loyihasining “Rahmon mehmonlariga xizmat ko'rsatish dasturlari” doirasida ziyoratchilarga bir qator qulayliklar hozirlanmoqda. Bular qatorida elektron viza berish tartibini aytish mumkin.
“Makka yo'li” tashabbusi
Islom hamkorlik tashkiloti Bosh kotibi Husayn Ibrohim Toha Saudiya Arabistoni hukumati Korona pandemiyasi sababli ikki yillik tanaffusdan keyin 5 yil oldin boshlagan Haj tashabbusini taqdim etishda davom etmoqda. Chunki ziyoratchilar uchun ibodatlarni bajarish safari soatlab bir necha daqiqagacha qisqardi. "Makka yo'li" tashabbusi Saudiya Arabistoni tashabbusi bo'lib, o'z mamlakatlarida ziyoratchilar uchun tartiblarni tugatishdan iborat. Bu yil dasturga Pokiston, Malayziya, Indoneziya, Marokash va Bangladesh kirdi. Bu yilgi Haj mavsumida undan 225 ming ziyoratchi manfaat ko'radi.
Uning qo'shimcha qilishicha, “Makka yo'li” tashabbusi tashkil etilganidan buyon jami 6 davlat foyda ko'rayotgan bo'lsa, bu tashabbus haj ziyoratini ado etish uchun zarur tartib-qoidalarni bajarish vaqtini qisqartiradi, chunki ziyoratchilarni qabul qilish, ularga vizani elektron shaklda berishdan boshlab, jo'nab ketish zalida pasport tartib-qoidalarini bajarishga oid tartiblar amalga oshiriladi.
Sog'liqni saqlash talablari mavjudligini tekshirilganidan so'ng jo'nab ketayotgan mamlakat aeroportidan, yukni tashish bo'yicha kodlash hamda ziyoratchilar etib kelgach, to'g'ridan-to'g'ri Makkai Mukarrama va Madinai Munavvaradagi o'z mehmonxonalariga borish uchun ajratilgan yo'laklarga o'tadilar, xizmat ko'rsatish agentliklari esa ularning yuklarini uylariga etkazadilar.
O'MI xodimi I. Ahmedov tayyorladi
Pol Kapur: «Bu yerda tarixni nafaqat ko‘rasiz, balki uni his qilasiz»
AQSH Davlat kotibining Janubiy va Markaziy Osiyo ishlari bo‘yicha yordamchisi Samir Pol Kapur O‘zbekistondagi Islom sivilizatsiyasi markaziga tashrif buyurdi, xabar bermoqda iccu.uz.
Islom sivilizatsiyasining ko‘p asrlik tarixi, uning ilm-fan, madaniyat va ma’rifat taraqqiyotiga qo‘shgan ulkan hissasi O‘zbekistondagi Islom sivilizatsiyasi markazi ekspozitsiyalarida yaxlit va ta’sirchan tarzda namoyon etilgan. Tashrif davomida Samir Pol Kapur islomgacha bo‘lgan davr sivilizatsiyalaridan tortib, Yangi O‘zbekiston davriga qadar bo‘lgan tarixiy jarayonlarni aks ettiruvchi galereyalar, buyuk allomalarning ilmiy-ma’rifiy merosi, noyob qo‘lyozmalar, muqaddas yodgorliklar hamda zamonaviy raqamli texnologiyalar asosida yaratilgan interaktiv ekspozitsiyalar bilan yaqindan tanishdi.
Mehmon ekspozitsiyalarning mazmunan izchilligi va tarixiy jarayonlarni bir-biri bilan uzviy bog‘liq holda namoyon etish usuliga alohida e’tibor qaratdi. Uning qayd etishicha, bu yerda muzey eksponatlari orqali o‘tmish haqida ma’lumot olish bilan cheklanib qolmay, tarixiy davrlar ruhini his qilish, ular o‘rtasidagi bog‘liqlikni anglash imkoni ham mavjud.
Samir Pol Kapur o‘z taassurotlarini quyidagicha ifodaladi:
«Bu muhtasham maskan. Islom tarixi va madaniyatining asrlar davomidagi taraqqiyoti bilan yaqindan tanishish men uchun unutilmas tajriba bo‘ldi. Bu yerda tarixni shunchaki kitob sahifalari orqali emas, balki o‘z ko‘zingiz bilan ko‘rasiz, uni his qilasiz va go‘yo o‘sha davrlarning ichida bo‘lasiz. Shu bois ushbu noyob maskanni barpo etishga hissa qo‘shgan barcha insonlarga samimiy minnatdorchilik bildiraman.
Yoshlarga ham bu yerga kelishni albatta tavsiya qilaman. Chunki bu maskan nafaqat tarixni o‘rganish, balki o‘tmish bilan kelajak o‘rtasidagi uzviy bog‘liqlikni anglash imkonini beradi. Men uchun eng esda qolarli lahzalardan biri Qur’oni karimga bag‘ishlangan golografik namoyish bo‘ldi. U menda katta taassurot va hayajon uyg‘otdi.
Menimcha, bu dargoh islom sivilizatsiyasining jahon tamadduniga qo‘shgan ulkan hissasini butun dunyoga namoyon etishga xizmat qiladi. Shuning uchun har bir inson bu yerga tashrif buyurib, ana shu boy va bebaho meros bilan shaxsan tanishishi lozim».
Pol Kapurning fikricha, Markazning ahamiyati uning tarixiy merosni namoyon etish bilangina cheklanmaydi. Ushbu maskan yosh avlod uchun o‘tmish saboqlarini anglash, ilm-fan va ma’rifatning sivilizatsiya taraqqiyotidagi o‘rnini his etish, milliy va umuminsoniy qadriyatlarga hurmat ruhini shakllantirish uchun ham muhim ma’naviy-ma’rifiy maydon vazifasini o‘taydi.
Tashrif yakunida AQSH Davlat kotibining Janubiy va Markaziy Osiyo ishlari bo‘yicha yordamchisi Samir Pol Kapur Islom sivilizatsiyasi markazidan olgan taassurotlari yuksak ekanini qayd etib, ushbu maskan boy tarixiy merosni zamonaviy muzey texnologiyalari va ta’sirchan taqdimot usullari orqali jahon jamoatchiligiga yetkazishda muhim ahamiyat kasb etishini ta’kidladi.
O‘zbekiston musulmonlari idorasi Matbuot xizmati
