260 000 nusxada Qur'on kitobi chop etiladi
Birlashgan Arab Amirliklaridagi ikki madaniyat muassasasi Shayx Maktum Qur'oni karimning 260 ming adadda chop etish va nashr etish bo'yicha kelishuvini e'lon qildi.
“IQNA”ning “Al Bayan” saytiga tayanib xabar berishicha, “DUBAI” media kompaniyasi hamda Dubayning Islom va xayriya ishlari departamenti Shayx Maktum bin Roshid Ol Maktum (BAA milliy Qur'oni)ning 260 ming nusxasini chop etish bo'yicha kelishuv imzolagan.
Marhum Shayx Maktum ibn Roshid Ol Maktum Osimdan Hafs (Hafs a'n Osim) rivoyatidagi Qur'on yangi shriftda chop etiladi.
2002 yildan beri mazkur Qur'oni Karimning qariyb 3500 000 nusxasi mahalliy, mintaqaviy va xalqaro miqyosda, shuningdek, Afrikadagi barcha muassasalar, Arab, Yevropa va dunyoning boshqa mamlakatlarida musulmon jamoalariga tarqatilgan.
O'MI xodimi I.Ahmedov tayyorladi.
Bayram shukuhi Jizzaxda ham davom etmoqda
O‘zbekiston Respublikasi davlat mustaqilligining 35 yilligi arafasida “Vaqf” xayriya jamoat fondining Jizzax viloyati filiali tomonidan xayriya tadbiri tashkil etildi.
Viloyatning turli hududlaridan bo‘lgan boquvchisini yo‘qotgan 35 nafar bolaning xatna to‘yi qilib berildi.
Tadbirda bolajonlarga velosiped, kostyum-shim va ko‘ylaklar, shirinliklar qutisi sovg‘a qilinib, bayram dasturxoni yozildi.
Bolajonlarga qo‘shilib, ularning yaqinlari ham quvonchdan tashakkur aytib, tashkilotchilar, Yurtboshimiz haqlariga duolar qilishdi.
Shuningdek, tadbir doirasida ijtimoiy himoyaga muhtoj, boquvchisini yo‘qotgan hamda kam ta’minlangan oilalar farzandlariga e’tibor va g‘amxo‘rlik ko‘rsatilib, ularga ham hadyalar ulashildi.
Bunday ezgu tashabbuslar jamiyatda o‘zaro mehr-oqibat, saxovat va hamjihatlik muhitini mustahkamlash, yosh avlod qalbida Vatanga muhabbat va insonparvarlik tuyg‘ularini yuksaltirishga xizmat qiladi.
O‘zbekiston musulmonlari idorasi
Matbuot xizmati
