Malayziyada o‘tkazilayotgan “Qo‘lyozmalar va tarixiy hujjatlarga bag‘ishlangan ikkinchi xalqaro konferensiya” o‘z ishini davom ettirmoqda. Bu haqda "Azon" nashri xabar berdi.
Konferensiyada Quvayt arab ochiq unversiteti professori Muhammad Hassan Tayyon eng nodir qo‘lyozmalarning tadqiq, tahqiq qilish va ularni o‘rganish borasidagi tajriba-tavsiyalarini berish bilan birga Ibn Sino va boshqa yurtimizdan chiqqan allomalarning hayoti va ilmiy merosi to‘g‘risida fikrlarini bildirdi.
Saudiyaning Podshoh Malik Abdulaziz universiteti qo‘lyozmalar fondi mudiri, Shayx Abdulloh ibn Muhammad al-Munif o‘z so‘zida: O‘zbekistondan ko‘pllab allomalar yetishib chiqqanligi, ularning ma’naviy merosi bugun dunyodagi qo‘lyozma fondlarini oltin xazinasiga aylanganligini ta’kidladi va “Arablar doimo ilm-ma’rifatni qo‘llab quvvatlaydi. Zero, ilm-ma’rifat Makkadan boshlangan. Ammo uning taraqqiyoti va tarqalishida ajamlarning hissasi katta”, – deb ta’kidladi. Shuningdek, Shayx Abdulloh ibn Muhammad al-Munif IBXITMi bilan ilmiy-tadqiqot ishlarida, ma’naviy merosimizni tadqiq etishda amaliy yordamga tayyor ekanligini bildirdi.
Mazkur konferensiya raisi va Malayziya islom ilmlari universiteti professori Najm Abdurahmon o‘zining BAA da 25.000 dan ortiq qo‘lyozmalar saqlanadigan shaxsiy kutubxonasida mavjud asarlar Movarounnahr ulamolarining asarlari qo‘lyozmalari ekanligini aytib, Imom Buxoriy, Imom Termiziy va Abdulhamid Keshiylarning hadis ilmi rivojida tutgan o‘rni va ularning ilmiy meroslari eng nodir qo‘lyozmalardan ekanini ta’kidladi va: “Men umrimni Imom Buxoriy asarlarini jamlashga sarfladim. Bir sahifa ma’lumot topsam, albatta uni o‘z shaxsiy fondimga kiritdim. Muhaddisning hayoti va merosiga oid yetti mujallad asar yaratdim”, – dedi.
Shuningdek, IBXITM vakillari direktor o‘rinbosari Sh. Umarov “Movarounnahrlik mashhur muhaddislar hayoti va ilmiy merosi” mavzusida chiqish qildi. Ma’ruza anjuman ishtirokchilari tomonidan diqqat bilan tinglandi va mavzuga oid savol-javoblar bo‘lib o‘tdi.
O‘MI Matbuot xizmati
Bilasizmi? Silikat moddasiga boy bo‘lgan tuproqqa dafn qilingan insonning skeleti vaqt o‘tishi bilan tosh va xarsangga aylanadi.
Agar u pirit (temir sulfidi) moddasiga boy mintaqaga dafn qilinsa, unday jasad temir haykalga aylanib qolishi mumkin!
Bu ilmiy haqiqat yaqinda aniqlangan bo‘lsa-da, Qur’onda bu haqida 1445 yil oldin hayratlanarli tarzda juda aniqlik bilan bayon etilgan. Qur’onda bunday deyilgan:
وَقَالُوا أَإِذَا كُنَّا عِظَامًا وَرُفَاتًا أَإِنَّا لَمَبْعُوثُونَ خَلْقًا جَدِيدًا
"Ular: “Biz suyaklarga va chang- tuproqlarga aylanib ketganimizdan keyin ham, yangitdan tiriltirilamizmi?” dedilar. “Sen ularga, toshga yoki temirga aylaninglar”, deb ayt"
(Isro surasi, 50-oyat).
Bu oyat yaqin yillarda kashf etilgan — suyaklari toshga aylangan yoki temir haykalga aylangan qazilmalarga ochiq va ravshan ishora qilmoqda. Go‘yoki Qur’onda xabar berilgan ushbu dalillar olimlar kashf qilishlarini uzoq asrlardan beri kutib yotgandek.
Shunday ekan, aqlli inson bunday ochiq-oydin va ravshan mo‘jizani qanday inkor qila oladi? Qur’onning bu mo‘jizasi kunduzdagi quyoshdek ravshan emasmi?
Homidjon domla ISHMATBЕKOV