Ko‘kaldosh bilim yurtida bitiruvchi talabalarining Xatmona tadbiri o‘tkazildi
20.06.2018
3682
3 min.
Joriy yilning 20 iyun kuni “Ko‘kaldosh” nomli o‘rta maxsus islom bilim yurtida 2017-2018 o‘quv yili bitiruvchi talabalarining “XATMONA – 2018” bayram tadbiri bo‘lib o‘tdi. Bayramona tadbirga O‘zbekiston musulmonlari idorasi raisi o‘rinbosarlari Abdulaziz Mansurov, Ibrohim domla Inomov, O‘zbekiston musulmonlari idorasi ta’lim va kadrlar tayyorlash bo‘limi mudiri Jaloliddin Nuriddinov, Vazirlar mahkamasi huzuridagi Din ishlari bo‘yicha qo‘mita ta’lim bo‘limi boshlig‘i Bobomurod Rustamov va Toshkent islom instituti rektori Uyg‘un G‘ofurov, faxriy ustozlardan Murodillo domla Xodjayev, Abdusalom domla Vosiyev, Abdullo domla Ismoilov va talabalarning ota-onalari tashrif buyurdilar. Tadbirni kirish so‘zi bilan bilim yurti mudiri Z.Mirsodikov ochib berib, barchani o‘tgan Ramazon hayiti bilan qutladilar, tadbir haqida o‘zlarining fikr-mulohazalarini bildirdi va yurtimizda diniy ta’limga bo‘lgan e’tibor, bilim yurtining erishgan yutuqlari haqida gapirib tadbirni ochib berdi.
So‘ng O‘zbekiston musulmonlari idorasi raisi o‘rinbosari Abdulaziz Mansurov so‘zga chiqib, bitiruvchi talabalarga va tadbir qatnashchilariga samimiy tabriklarini izhor etish bilan birga o‘zlarining pand-nasihatlarini bildirib o‘tdilar.
Vazirlar mahkamasi huzuridagi Din ishlari bo‘yicha qo‘mita ta’lim bo‘limi boshlig‘i Bobomurod Rustamovlar talabalarga o‘zlarining hayot tajribalaridan misollar keltirib bitiruvchi talabalarga kelgusi hayot yo‘llarida muvaffaqiyatlar tilab, kelajakda o‘qishlarini davom ettirish uchun omadlar tiladilar.
Tadbirga tashrif buyurgan mehmonlarning tabrik so‘zlaridan so‘ng bilim yurti mudarris va talabalarini taqdirlash qismi bo‘lib o‘tdi. Unda bilim yurtida fidokorona xizmat qilayotgan ustozlar va namunali xulqi va a’lo baholari bilan faol ishtirok etayotgan talabalar bilim yurtining faxriy yorlig‘i va esdalik sovg‘alari bilan taqdirlandilar.
Shuningdek, ushbu bayramona tadbirga tashrif buyurgan muhtaram ota-onalar ham ishtirok etib, o‘zlarining dil izhorlarini aytib, ayniqsa, ustozlarga tashakkurlar bildirishdi.
Tadbirning badiiy qismida bitiruvchi talabalar o‘zlari tayyorlagan she’r, manolog va dil izhorlarini namoyish etdilar.
Tadbir so‘ngida bilim yurti talabalari tomonidan o‘qilgan xatmi Qur’on tilovat qilinib o‘tganlar ruhlariga bag‘ishlandi. Barcha tadbir qatnashchilari bayram dasturxoniga taklif qilindi.
“Ko‘kaldosh” o‘rta maxsus islom bilim yurti mudir muovini A.G‘aniyev
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
