Avvalroq, O‘zbekiston musulmonlari idorasi raisi, muftiy Usmonxon Alimov hazratlari Qozog‘istonning Chimkent shahrida “Qozog‘iston – O‘zbekiston: diniy aloqalarining yangi bosqichi” mavzusidagi xalqaro forumda o‘z ma’ruzasi bilan ishtirok etganlari haqida xabar bergan edik.

Bugun, 20 iyun kuni Muftiy hazratning Qozog‘iston Respublikasiga tashrifi dasturidan turli uchrashuv va tadbirlar o‘rin olgan. Shunday uchrashuvlardan biri Turkiston viloyati hokimi bilan o‘tkazildi.

Turkiston hokimi Tajibek Musayev Muftiy hazratlarini yuqori ehtirom bilan kutib olib, Turkiston shahrining diqqatga sazovor joylari va ziyoratgohlarini ko‘zdan kechirdilar.

Muftiy hazrat Ahmad Yassaviy qadamjosini ham ziyorat qildilar va u kishining ruhlariga bag‘ishlab Qur’on tilovati qilindi.

Ma’lumotlar uchun, Qozog‘iston Prezidenti Chimkent shahriga respublika ahamiyatiga ega shahar maqomini berishni ko‘zda tutuvchi farmonni imzolagan edi. Ushbu farmon bilan JAnubiy Qozog‘iston viloyati nomi Turkiston viloyatiga o‘zgartirilib, Turkiston shahri uning ma’muriy markaziga aylantirildi.

O‘MI Matbuot xizmati