Joriy yilning 18-iyun kuni Muhammad ibn Ahmad al-Beruniy nomidagi o‘rta maxsus islom bilim yurtida 2017-2018-o‘quv yili bitiruvchi talabalarning xatmona kechasi bo‘lib o‘tdi. Kechaga madrasa o‘qituvchilari, Qoraqalpog‘iston musulmonlari qoziyoti xodimlari, masjid imom-xatiblari va ota-onalar ishtirok etdi.

Dastlab, Qoraqalpog‘iston musulmonlari qoziyoti qozisi, mazkur madrasa mudiri Shamsutdin Bauatdinov so‘zga chiqib, so‘ngi yillarda diniy sohada amalga oshirilgan islohotlar, mo‘min-musulmonlarga yaratilayotgan imkoniyatlar, ko‘z quvonarlik darajadagi yangiliklar, shuningdek, Nukus madrasasi talabalarining erishgan yuutuqlari haqida birma-bir to‘xtaldi. Madrasa bitiruvchilarini tabriklab, ularning kelajakdagi ishlariga muvaffaqiyat, oliygoh talabasi bo‘lishlari uchun omadlar tiladi.

Tadbir davomida madrasa bitiruvchilari ishtirokida ajoyib nashidalar ijro etildi. Bitiruvchilar madrasada ta’lim olish davomida ilmning sir-sinoatlarini o‘rganishda yo‘l ko‘rsatgan aziz ustozlariga o‘zlarining minnatdorliklarini izhor etishdi.

Islamatdin ALLANOV

Qoraqalpog‘iston musulmonlari qoziyoti xodimi