Sayt test holatida ishlamoqda!
24 Dekabr, 2024   |   23 Jumadul soni, 1446
search icon
Avvalgi sayt
ЎЗ РУ EN AR

Toshkent shahri
Tong
06:21
Quyosh
07:47
Peshin
12:28
Asr
15:18
Shom
17:02
Xufton
18:22
Bismillah
24 Dekabr, 2024, 23 Jumadul soni, 1446
Avvalgi sayt
#search
 YouTube

Bu yil Masjidun Nabaviy 200 million ziyoratchini qabul qildi

7.06.2023   845   1 min.
Bu yil Masjidun Nabaviy 200 million ziyoratchini qabul qildi

      Madinadagi “Masjidun Nabaviy – Payg'ambarimiz masjidi” islom taqvimiga ko'ra bu yil 200 milliondan ortiq ziyoratchini qabul qildi.

    Islom taqvimi bo'yicha yangi yil iyul' oyida boshlanadi va hozirda Saudiya Arabistoni rasmiylari 1444 yil yakunlarini sarhisob qilmoqda.

    Hijriy 1444 sanasining muharram oyi boshidan buyon Payg'ambarimiz masjidini 200 milliondan ortiq kishi ziyorat qilgan, deb yozadi Islamnews matbuoti Arabnews ga tayanib.

    Qirollik rasmiylarining 2022 yilda ilk bor marta ziyoratchilar sonini cheklashni to'xtatgani ziyoratchilar sonini sezilarli darajada oshishi turtki berdi. Bu ko'rsatkich yanada ko'payishi kutilmoqda.

  2019 yilda Koronavirus pandemiyasi avj olishidan avval, 2,5 milliondan ortiq musulmon Haj ziyoratini ado etdi. Keyingi yillarda karantin cheklovlari tufayli Haj ziyoratlari cheklangan tarkibda o'tkazildi.

 

O'MI Matbuot xizmati

 

O'zbekiston yangiliklari
Boshqa maqolalar
Maqolalar

Menda ko‘rganlaringni boshqalarga aytmagin!

23.12.2024   859   1 min.
Menda ko‘rganlaringni boshqalarga aytmagin!

Bismillahir Rohmanir Rohiym

Bir kuni imom Abu Hanifa rahimahulloh xufton namozini masjidning muazzini ortidan o‘qidi. Muazzin namozda “Zilzala” surasini tilovat qildi. Namoz tugagach, odamlar masjiddan chiqib ketishdi va faqat imom Abu Hanifa va muazzin qolishdi.

Muazzin aytadi: “Men Abu Hanifaga qarasam, u o‘yga cho‘mgan holda o‘tirgan, chuqur-chuqur nafas olar edi. Men uning xayolini buzmaslik uchun turib chiqib ketdim. Masjiddan chiqaturib fonusni qoldirdim, uning ichida juda ozgina moy qolgan edi”.

Ertasiga tong paytida masjidga qaytsam, u hali ham o‘sha joyida o‘tirgan ekan. Pichirlab bunday der edi: “Ey, zarracha yaxshilik uchun yaxshilik beradigan Zot! Ey, zarracha yomonlik uchun yomonlik beradigan Zot! No‘mon qulingni do‘zaxdan asra va O‘z rahmatingga olgin!”.

Muazzin aytadi: “Men kirsam fonus hali ham yonib turgan ekan”.

Abu Hanifa meni ko‘rdida: “Fonusni olmoqchimisan?” deb so‘radi. Bilsam, u hali ham xufton vaqti deb o‘ylagan ekan. Shunda men: “Ey hazrat, tong otdi!” dedim. Shunda Abu Hanifa: “Menda ko‘rganlaringni boshqalarga aytmagin!” dedi.

Homidjon domla ISHMATBЕKOV

Maqolalar
#logo